Albistea entzun

Energia

Lau erreaktore nuklearren geldialdia luzatu egingo du EDFk, korrosioarengatik

Arazoa ikertzeko eta konponketa lanak egiteko denbora gehiago behar duela dio EDF Electricite de Francek. Une honetan, Frantzian dauden 56 erreaktoreetatik 32 geldirik daude.

Penlyko zentraleko 1 erreaktorea ez dute martxan jarriko urtarrilera arte.
Penlyko zentraleko 1 erreaktorea ez dute martxan jarriko urtarrilera arte. FRED HASLIN / EFE Tamaina handiagoan ikusi

Irune Lasa -

2022ko abuztuak 25

Korrosio arazoak direla eta, lau erreaktore nuklearren geldialdia luzatu beharko duela jakinarazi du gaur EDFk, uste baino denbora gehiago beharko dutelako arazoen jatorriaren ikerketarako eta konponketa lanetarako.

Konpainia publikoaren aurreikuspen berrien arabera, Cattenom 1 erreaktorea azaroaren 1ean jarriko da martxan; Cattenom 4, azaroaren 14an; Cattenom 3, abenduaren 11n, eta Penly 1, urtarrilaren 23an. Une honetan 56 erreaktore nuklearretatik 32 geldialdian daude Frantzian, korrosio arazoengatik edota mantentze lanengatik.

Horrekin, EDFk kalkulatu du 280 eta 300 terawatt-orduren ekoizpena pilatuko dutela 2022. urte osoan, eta «gertagarriena» beheko kopurutik gertu ibiltzea dela esan du. Urtea 280 terawatt-orduren bueltan itxiko balute, esan nahiko luke Frantziako nuklearrek azken urteetan sortutako argindarraren %60 inguru ekoitzi dutela aurten.

Eta nuklearren pattalaldia garai okerrenean dator. Elektrizitatea esportatzera ohituta zegoen Frantzia, eta aurten momentu askotan argindar inportatzaile bihurtu da, noiz eta Ukrainako Gerraren ondorioz Europarako gasaren hornidura murriztu denean, argindarraren prezioak kontinente osoa ziztuan igoaraziz.

Gaurko iragarpenak are gehiago bultzatuko du megawatt-orduaren prezioa Frantzian. Egia da herritarrek ez dutela argindar garestia hainbeste eta horren zuzen igartzen, prezioen aldakortasuna mugatzen duten kontratu luzeagoak direlako nagusi herrialdean, eta horrekin batera Gobernuak mugatuak dituelako gasaren eta argindarraren kostuak. Hala ere, argindarraren merkatuan kopuruak beldurgarriak dira, batez ere gerokoen merkatuan. Atzo bertan, urtebeterako megawatt-orduak 900 euroren prezioa izan zuen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ursula von der Leyen Europako Batzordeko presidentea, atzo Bruselan egindako agerraldian. ©STEPHANIE LECOCQ / EFE

Bruselak estatu laguntzen araudia leunduko du, AEBei eta Txinari aurre egiteko

Jokin Sagarzazu

Energia trantsizioarekin loturiko egitasmoak «bizkortu» nahi ditu Batzordeak. Egun indarrean dauden funtsekin finantzatu nahi ditu laguntza publikoak
CCOO, LAB eta UGT sindikatuen protesta bat, Bizkaiko metalgintzarako lan itun duin bat eskatzeko. ©OSKAR MATXIN / FOKU

Bizkaiko metalgintzako langileen gehiengoak itun berria onartu du

Imanol Magro Eizmendi

CCOOko, LABeko eta UGTko afiliatuek ontzat jo dute Jaurlaritzaren azken proposamena barne bileretan. Lau urtean soldata %15 igotzea adostu dute
BBVAren egoitza nagusia, Madrilen. ©Emilio Naranjo / Efe

BBVAk inoiz baino diru gehiago irabazi du: 6.420 milioi euro

Iker Aranburu

Mexikok eman dizkio irabazien bi heren. Mozkinen erdia bere akziodunei banatuko die.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.