Albistea entzun

Ukraina

Zaporizhiako zentralak «berehalako neurriak» behar ditu ezbeharrik gertatuko ez bada

IAEAk ohartarazi du zentral nuklearraren inguruko bonbardaketak «etengabeko arriskua» direla, eta dagoeneko hainbat kalte eragin dituztela eraikinetan. AEBetako informazio zerbitzuen arabera, Ipar Koreari armak erosteko asmoa du Errusiak.

IAEAko buru Rafael Mariano Grossi, Vienan, Zaporizhiako zentrala gainbegiratu ostean. /
IAEAko buru Rafael Mariano Grossi, Vienan, Zaporizhiako zentrala gainbegiratu ostean. / Max Brucker/EFE Tamaina handiagoan ikusi

Arantxa Elizegi Egilegor -

2022ko irailak 6 09:21

IAEA Energia Atomikoaren Nazioarteko Agentziak kaleratu berri du Zaporizhiako zentral nuklearrean egindako azterketari buruzko txostena. Bertan nabarmendu «berehalako neurriak» hartu behar direla ezbeharrik gertatuko ez bada. Gerra frontetik oso gertu dago zentrala, eta dagoeneko bitan itzali behar izan dituzte erreaktoreak, bonbardaketek suteak eragin dituztelako. Azken aldiz atzo itzali zuten martxan zen azken erreaktorea.

«Segurtasun nuklearrerako babes eremu» bat sortzeko beharra nabarmentzen du txostenak. Horrez gain, ohartarazten du zentralean lanean ari direnen baldintzak hobetu beharko liratekeela. «Langile kopurua oso mugatua da, eta Errusiaren okupaziopean aritzeak estres eta presio gehigarria eragiten du. Ezin da egoera hori denboran luzatu, giza akats bat gertatzeko arriskua handitzen duelako», adierazi dute adituek. Horiek hala, eskatu diote Vladimir Putin presidentearen gobernuari erretira ditzala zentralaren inguruetan dituen ibilgailu militarrak eta armak, baita instalazioen barruan dituenak ere.

IAEAko ordezkaritzaren esanetan, bonbardaketek kalteak eragin dituzte erregai nuklearra eta hondakin erradioaktiboak biltegiratzeko eraikinetan. «Ukrainako egoera aurrekaririk gabekoa da. Lehen aldia da halako gatazka bat pizten dela programa nuklear sendo bat duen herrialde batean. Istripu nuklear batek ondorio larriak eragingo lituzke herrialdean bertan eta haren mugetatik kanpo», ohartarazi dute adituek.

Bestalde, AEBetako informazio zerbitzuen arabera, Errusia milioika misil eta jaurtigai erosten ari da Ipar koreari. Aurrez, Washingtonen esanetan, Iranen egindako droneak baliatu izan ditu Moskuk. Ipar Korea bera Errusiarengana gerturatu da azken urteetan, eta Ukrainako gerra hasi zenean ere babesa agertu zion Vladimir Putin presidenteari, esanez Mendebaldearen «politika hegemonikoek» bultzatu dutela Errusia «bere burua defendatzera».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Karakalpakstango 22 ekintzaileren kontrako epaiketaren hasiera, joan den astelehenean, Uzbekistango Bukhara hirian. ©BERRIA

Karakalpakstango protesten epaiketa hasi du Uzbekistanek

Gorka Berasategi Otamendi

Hogei urte arteko zigorrak eskatu dituzte 22 auzipetuen kontra. Manifestariek salatu zuten presidenteak eskualde autonomoaren subiranotasuna ezabatu nahi zuela konstituzio erreforma batekin

Macron eta Putin prentsaren aurrean, joan den otsailaren 7an Moskun egindako bileraren ondoren. ©EFE

Macronek eskatu du Errusiaren segurtasun bermeak aintzat hartzeko

Igor Susaeta

Frantziako presidenteak elkarrizketa batean adierazi duenez, Putinek gerraren amaiera negoziatzea onartzen baldin badu, aintzat hartu behar da NATO «bere ateetaraino heltzeko duen beldurra»
Turkiaren erasoaren aurkako manifestazio bat, azaroaren 20an, Qamixlin. ©EFE

SDFk jakinarazi du eten egin dituela AEBekin egiten ari ziren operazioak

Igor Susaeta

Milizia kurduak indar nagusitzat dauzkan eta Pentagonoaren babesa duen koalizioak ohartarazia zuen Ankarak eraso bat hasiz gero horri erantzutea lehenetsiko zuela. EIren aurkako borrokari eragingo dio

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...