Albistea entzun

Enirio-Aralar mankomunitateak Larre Kudeaketa Plana berrabiarazteko asmoa duela salatu dute abeltzainek

Gipuzkoako EH Bilduk 2019an «emandako hitza jan» egin duela diote Aralarko abeltzainek, eta abereekin egiten duten larre kudeaketa gutxiesten dela gehitu dute.

Azienda Aralar mendikatean.
Azienda Aralar mendikatean. Andoni Canalleda /FOKU Tamaina handiagoan ikusi

Iñaut Matauko Rada -

2022ko irailak 7

Aralarko abeltzainak kexu dira, Enirio-Aralar mankomunitateko juntak 2019an «izoztu» zuen Larre Kudeaketa Plana berrabiarazteko asmoa duelako. Hori dela eta, Aralarko Baserritarren Elkarteko kideek, Euskal Nekazarien Batasunarekin eta Euskal Herriko Nekazarien Elkartasunarekin batera, agerraldia eta protesta egin dute gaur goizean, Ordizian (Gipuzkoa), Euskal jaietan.

Abeltzainen esanetan, egungo agintaldiaren hasieran Enirio-Aralar mankomunitateko arduradunek zuten Larre Kudeaketa Plan berria aurkeztu zuten, abeltzain guztiek errefusatua. «Gorabehera eta sestra ugariren ostean», Gipuzkoako EH Bilduk plan berria «izozkailuan» sartuko zuela adierazi zien abeltzainei, eta hor egon da ordutik. Hala ere, abeltzainek diote jakin berri dutela mankomunitateko juntak plana berrabiarazteko asmoa dutela, 18.000 euroko aurrekontuarekin.

Gauzak horrela, aipatutako hiru elkarteek hiru gauza argitu nahi izan dituzte: lehenik eta behin, diote mendia kudeatzeko modu «egokiena, ekologikoena, merkeena eta jatorrena» abereekin egindako kudeaketa dela. Bigarrenik, esan dute egun euskal gizarteak «hainbeste preziatzen duen Aralar», neurri handi batean, bertako abeltzainek aziendarekin moldatutako paisaia dela. Azkenik, adierazi dute beren abereekin egindako larre kudeaketa «gutxietsi nahi duen planteamendu ororen aurka» daudela, eta mankomunitateari zuzendu zaizkio, eta eskatu «mihi puntan hainbeste darabilten lehen sektorearekiko begirunea» bere eguneroko jardunean aplikatzeko.

Bestalde, abeltzainak prest agertu dira abeltzainen eta aziendaren lana lehenetsi eta «balorea emango lieketen planteamenduak jorratzeko».

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

 ©Jon Urbe / FOKU

Agus Rodriguez: «Jantoki sozial bat izan daiteke zerbait duina»

Miren Garate - Gipuzkoako Hitza

Kalean daudenen kopurua asko handitu da Donostian. Agus Rodriguez Donostiako Kaleko Afari Solidarioak egitasmoaren sustatzailearen esanetan, udalak bere gain hartu behar luke pertsona horien gaineko ardura, baina gaur egun eskaintzen dituen baliabideak ez dira aski.

GuraSOS deitutako manifestazioa, gaur Donostian. ©Gorka Rubio, FOKU

Zubietako erraustegia ixteko eskatu dute ehunka lagunek Donostian

Uxue Rey Gorraiz

Aldeen arteko elkarrizketa bat izan dadila galdegin dute, auziari irtenbidea bilatzeko, eta grinez nabarmendu ez Gipuzkoako Aldundiak ez eta Jaurlaritzak ere ez dutela «hitza bete».

Alemaniako Grevenbroich hiriko parke eolikoa, eta, atzean, ikatzezko zentrala, duela gutxiko irudi batean. ©SASCHA STEINBACH / EFE

PLANETAREN MUGEKIN TALKAN

Iñaki Petxarroman

50 urte dira Hazkundearen Mugak txostena kaleratu zutela. Ekonomia ulertzeko beste modu bat ezarri zuen, eta zientzian oinarritutako sistema batekin erakutsi zuen hazkunde etengabeak etorkizunean eragin zitzakeen arazoak. Gaur egun, begi bistan daude arazo horietako batzuk, hala nola klima krisia eta bioaniztasunaren galera.
 ©BERRIA

«Gure aztarna ekologikoak egungoaren hamarren bat izan behar du»

Iñaki Petxarroman

Kontsumoa eta ekoizpena apaltzea eta espiraleko ekonomia martxan jartzea beste biderik ez du ikusten Antonio Valerok.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.