Lan gatazkak

Superberriak-ek denda guztiak itxiko ditu

BM Shop kateko lau saltoki kudeatzen ditu, eta 70 langile kaleratuko ditu

Superberriakeko langile batzuk, elkarretaratze tean. LAB sindikatua Tamaina handiagoan ikusi

2022ko irailak 7

Superberriak-ek, BM saltoki handiak (Uvesco) BM Shop kateko denda batzuk kudeatzeko erabiltzen duen enpresak, jarduna eteteko lan erregulazioa hasi du. LAB sindikatuak jakinarazi duenez, Amurrioko (Araba), Laudioko (Araba), Ugaoko (Bizkaia) eta Bilboko Zazpikaleetako BM Shop dendak ixteko asmoa du. Itxiera horiek 70 langile kaleratzea eragingo dute. Halaber, neurri bera aplikatuko dute Roxima 2020 SMn, Barakaldoko BM Shop kudeatzen zuen enpresan.

Lan erregulazioren inguruko kontsulta epea asteazkenean hasi da, eta hilabete luzatuko da. LABek aitortu duenez, erabakiak ezustean harrapatu du, iragan uztailean zuzendaritzarekin izandako solasaldietan irail amaierarako bilera batzuk adostu baitzituzten. Superberriak-ek duela urtebete egin zuen frankizia aldaketa, eta, hala, haren denda guztiak BM taldera igaro ziren.

LABek bere ordezkari guztiak deitu ditu gaia aztertzeko, eta aurreratu du bide guztiak agortuko dituela lanpostuak defendatu eta lan erregulazioa eragozteko.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut