Albistea entzun

INDARKERIA MATXISTA

Hiru gizon atxilotu dituzte Gasteizen bikotekideei eraso egiteagatik

Indarkeria matxistarekin loturiko delituak egotzi dizkiete 31, 42 eta 80 urteko hiru gizonezkoei. 2018ko Irungo jaietan sexu erasoengatik salatutako gizona absolbitu du Gipuzkoako auzitegiak.

Sexu erasoen aurkako protesta, Gasteizko mugimendu feministak deituta, Andra Mari Zuriaren plazan.
Sexu erasoen aurkako protesta, Gasteizko mugimendu feministak deituta, Andra Mari Zuriaren plazan. JAIZKI FONTANEDA / FOKU Tamaina handiagoan ikusi

Ion Orzaiz -

2022ko irailak 7

Gasteizko Udalak jakinarazi duenez, udaltzaingoak hiru pertsona atxilotu zituen iragan asteburuan, bikotekideei eraso egiteagatik. 31, 42 eta 80 urteko hiru gizonezko dira, eta indarkeria matxistarekin lotutako zenbait delitu leporatu dizkiete.

Atxilotuen artean gazteena 31 urteko gizonezko bat da, eta Gasteizko Logroño kalean atxilotu zuten, bikotekide ohiari eraso egin izana egotzita. 42 urteko beste gizonezko bat atxiki zuten Koroatzearen kalean, eta, azkenik, 80 urteko gizona Ariznabarra auzoan atxilotu zuten, «emaztearen aurka indarkeria fisiko eta psikologiko jarraitua egiteagatik.

2018an Irunen akusatua, absolbituta

2018. urteko Irungo jaietan emakume bat bortxatu izana leporatu zioten gizonezkoa absolbitu du Gipuzkoako Lurralde Auzitegiak, epailearen esanetan «ezin baita frogatu sexu harremanak baimenduak ala baimenik gabekoak izan zirenik».

Biktimak salaketa jarri zuen gizonezkoaren aurka, sexu harremanak «baimenik eta adostasunik gabekoak» izan zirela salatuta. Epaiketan, sei urteko kartzela zigorra eskatu zuen Fiskaltzak akusatuaren aurka. Lurralde auzitegiak, baina, «zalantzazko elementuak» eta «segurtasunik eza» antzeman ditu testigantza horretan: «Salatzailearen oroitzapenean antzeman daitezke zenbait hutsune eta zalantza, harreman intimo horiek baimenduak izan ote ziren ala ez ebazterakoan, eta, denborarekin, bere baitan ziurtzat jo zuen baimenik gabekoak izan zirela».

Hori dela eta, epaileek ebatzi dute «ezin dela ziurtatu» baimenik gabeko sexu harremanak izan zirenik: «Auzitegi honek zalantzak ditu, eta zalantza, arrazoizkoa eta oinarri juridiko honetan arrazoitua izanda, ezin da inoiz akusatuaren kontra erabili».

Biktima izan diren emakumeentzako arreta zerbitzua

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostia ospitalea, artxiboko irudi batean. ©Andoni Canellada / Foku

Osakidetzaren «politika suizida» salatu dute Donostiako ESIko 30 bat zerbitzuburuk

Ion Orzaiz- Paulo Ostolaza

Gutun batean, osasun zerbitzu publikoaren zuzendaritzaren dimisioa eskatu dute, zentzugabeko kudeaketarengatik, eta «sektarismoa eta trakeskeria» leporatu diote.

 ©Guillaume Fauveau

Antton Kurutxarri. «Aski indarrik ez dugu egin beharrekoa egiteko»

Olatz Silva Rodrigo

Euskararen Erakunde Publikoak irakaskuntzara bideratzen du indarraren zati handi bat. Lehendakariaren ustez, beste arlo batzuk jorratu beharko lituzkete.

 ©ARITZ LOIOLA / FOKU

ERAGILE, EGILE ETA ORDEZKARI

Julen Aperrribai

Duela 25 urte sortu zuten Euskararen Gizarte Erakundeen Kontseilua, euskararen normalizazio prozesua bizkortzeko eta euskalgintzako erakundeak bateratzeko. Hizkuntza politiketara begirako akordio sozial zabalak, plangintzak eta proposamen zehatzak eragiteko gaitasuna izan du hasieratik. Adostasunok galgatu egin dira sarritan pauso berean: maila sozialetik maila politikora eramateko unean.
 ©ARITZ LOIOLA / FOKU

«Adostasun politikoek edukia behar dute; ez gaude argazkien garaian»

Maite Asensio Lozano

Lema uztera doala, azken urteetan egindako aurrerapausoak gogoratu ditu, baina aitortu du arazo batzuk «kronifikatzen» ari direla. Hartara, hizkuntza politika «sendoak» eskatu ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.