Israelgo armadak palestinar bat hil du gaur goizean Beitinen, Ramallahn, Zisjordanian. Palestinako Osasun Ministerioak esan du ez dutela identifikatu oraindik. Aste honetan Israelek hil duen zazpigarren palestinarra da.
Israelgo armadak ohar batean argudiatu du palestinarrak aurretik eraso egin diola soldadu bati, mailu batekin, eta, buruan jo badu ere, hark ez duela konortea galdu eta tiro egin diola. Ohar horren arabera, labana bat ere bazeraman palestinarrak.