San Martin Unxeko (Nafarroa) gidari batek istripua izan zuen atzo, traktore baten atoiarekin talka egin zuenean. Buruan kolpe handia zuela ZIUra eraman zuten larri, eta gaur hil da, Foruzaingoak jakitera eman duenez.
A. D. F. hizkiekin identifikatu dute foruzainek, eta, zehaztu dutenez, 41 urte zituen. San Martin Unxen bertan gertatu zen istripua, Lizarra, Tafalla eta Zangoza (Nafarroa) lotzen dituen NA-132 errepideko 43. kilometroan.
