Albistea entzun

Eusko Legebiltzarra

Urkulluk «lankidetzan oinarritutako gobernantzaren» alde egingo du Eusko Legebiltzarrean

Nazioarteko «ziurgabetasun egoerari» aurre egiteko «agenda propioa» defendatuko du Eusko Jaurlaritzako lehendakariak ostegunean, politika orokorreko eztabaidan. Autogobernuari dagokionez, 1979ko estatutua osorik betetzeko eskatuko du.

Iñigo Urkullu Eusko Jaurlaritzako lehendakaria
Iñigo Urkullu Eusko Jaurlaritzako lehendakaria Jaizki Fontaneda/ Foku Tamaina handiagoan ikusi

Edurne Begiristain -

2022ko irailak 19

Ikasturte politikoari hasiera emango dio ostegunean Eusko Legebiltzarrak, eta Iñigo Urkullu lehendakariak hitzaldia eskainiko du goizeko saioan. Lehendakaritzak hitzaldiaren ardatz nagusiak igorri dizkie gaur legebiltzar taldeei eta komunikabideei. Igorritako laburpenak jasotzen duenez, munduak bizi duen «ziurgabetasun» egoera izango du hizpide Urkulluk: azken bi urte eta erdian pandemiak eragin duen osasun krisiak eta gaur egun Ukraniako gerrak sortutakoak ziurgabetasuna ekarri dutela azalduko du, eta, testuinguru horretan, «lankidetzan oinarritutako gobernantzaren» alde egingo du. «Diferentzia ideologiko bistakoak gorabehera [...] egonkortasuna eta akordioaren eta lankidetzaren kultura gure herriaren aktibo inportante bat dira», dio hitzaldiaren laburpenak.

Gobernantza eraginkor baterako ibilbide orria proposatuko du lehendakariak, hiru mugarri dituena: aurrekontuak, legegintza programa eta herri akordioak. Ziurgabetasunak eta zalantzak nagusi dira egun, eta horiei aurre egiteko «agenda propio bat» izatearen alde egingo du lehendakariak ostegunean. «Euskadiren agenda propioak» bost estrategiaren gainean ardaztuta egon beharko luke, haren ustez. Hauek dira bost estrategia horiek: «gizarte-kohesioaren arloko ekintzak»; enplegurako, industriarako, inbertsio publikorako eta hazkunde jasangarrirako ekintzak; klima aldaketari erantzutea; erronka demografikoa eta gazteen aldeko apustua; eta Euskadi-Basque Country deritzon ildoa, hau da, nazioartekotzea.

Estatutua
Autogobernuari ere atal bat eskainiko dio lehendakariak legebiltzarreko eztabaidan. Adieraziko du autogobernuaren kontzeptuak bere horretan eusten diola eta «sinesgarritasuna eta ospea» irabazi dituela, urteak joan eta urteak etorri. «Gizartearen gehiengoaren elkargune bihurtu da, ongizatean eta bizikidetzan aurrera egiteko modu bat islatzen du, komunitate politiko bat eraikitzeko bide bat». 1979ko estatutuari helduko dio, besteak beste, gogora ekartzeko itun hori onartu zenetik Espainiako Konstituzioa bi aldiz aldatu dela, baina estatutua ez dela behin ere eguneratu. Hori hala, lehendakariak azpimarratuko du Jaurlaritzak lanean jarraituko duela estatutua osorik bete arte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ekitaldiaren ondoren, argazkia atera zuten bertaratutakoek, Donostiako Miramar jauregiaren aurrean. ©MAIALEN ANDRES / FOKU

Etxerat-ek «aitortza eta erreparazioa» eskatu ditu sakabanaketaren biktimentzat

Jone Arruabarrena

Ekitaldia egin dute Donostian, presoen senide batzuekin eta zenbait ordezkari politikorekin batera. Lege esparru bat galdegin du elkarteak: uste du tresna bat behar dela agerian uzteko «haien eskubideak ere urratu zirela»
 ©MONIKA DEL VALLE / FOKU

«Alderdien mugetatik kanpo ere eraiki daiteke bateratasuna »

Xabier Martin

Aberri Egun bateratuaren aldeko ospakizuna bi kolpetan egin nahi du Euskal Herria Batera-k: lehenik, eragileentzako ekitaldi bat, politikariak barne; ondoren, herritarren erreibindikazioa, Aberri Egunean bertan.
Andoi Ortuzar, EGI Eguneko ekitaldian, Guardian (Araba) ©EAJ

Ortuzar: «Ezinbestekoa da maiatzaren 28an parte hartze handia izatea Vox eta Bilduren estremismoak gailendu ez daitezen»

Javi West Larrañaga

«Batzuen pankarta dantza» deitoratu du, eta esan du «erakundeetan integratzeak eta politikak aldatzeak» hobetzen duela bizi kalitatea

 ©GORKA RUBIO / @FOKU

«Aldaketak eragiteko motorra izateko gaitasuna dugu»

Iosu Alberdi

Apirilaren 6tik 9ra egingo du Ernaik Gazte Topagunea, Elorrion. Ekitaldiaren nondik norakoez zein gazte antolakundearen hamar urteko ibilbideaz eta erronkez aritu da Alaba.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...