Albistea entzun

Botikak

Ibuprofenoa eta kodeina konbinatzen dituzten botiken arriskuez ohartarazi du EMAk

Botika horiek oinazea tratatzeko erabiltzen dira, baina mendekotasuna eragiten dute zenbaitetan, eta heriotza ere eragin dezakete, denbora luzean eta aholkatutako dosian baino handiagoan hartzen badira.

Ibuprofenoa eta kodeina konbinatzen dituzten botiken arriskuez ohartarazi du EMAk
Ibuprofenoa eta kodeina konbinatzen dituzten botiken arriskuez ohartarazi du EMAk Tamaina handiagoan ikusi

Arantxa Iraola -

2022ko urriak 4

EMA Sendagaien Europako Agentziako adituek azken bileran ondorioztatu dute kodeina eta ibuprofenoa konbinatzen dituzten sendagaien prospektuetan zehaztu egin behar dela botika horiek «kalte larriak» eragin ditzaketela denbora luzean eta gomendatutako dosian baino handiagoan hartzen badira. Zehaztu dute giltzurrunetako arazoak eragin ditzaketela, edota hesteetakoak, eta, kasurik larrienetan, heriotza ere bai.

Horregatik, gomendatu dute prospektuetan argi eta garbi jartzeko zer ondorio larri eragin ditzaketen botika horiek, «bereziki» denbora askoan hartzen badira, eta dosi handietan. Ondorio horretara heltzeko, botika klase horien «abusuaren eta mendekotasunaren» ondorioz eritutako pertsonen kasuak aztertu dituztela azaldu dute, eta horietako batzuk hil ere egin direla.

Botika klase horiek oinazea tratatzeko erabiltzen dira sarri askotan, baina mendekotasuna eragin dezakete, eta hor dago arazoaren muinetako bat. Opioaren eratorri bat da kodeina, eta mendekotasuna eragin ohi du.

Giltzurrunetan kalteak

EMAko adituen arabera, botika horiek behar baino dosi handiagoetan hartzen badira, giltzurrunak gaizki funtzionatzen hasten dira, eta osasun arazoak sortzen dira hortik. Odoleko potasio mailak ere apaldu egiten dira sarri askotan, eta horrek giharretako ahultasuna eta zorabioak eragiten ditu.

EB Europako Batasuneko herrialdeetara igorri du EMAk ohartarazpena, eta prospektuetan zer aldaketa egin behar diren adierazi du. Estatuen esku dago orain aldaketa egitea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Maria Txibite lehendakaria eta Ramon Alzorriz PSNko bozeramailea, Nafarroako Parlamentuan. ©JESUS DIGES / EFE

Sindikatu Medikoaren hordagoari men egiteko prest azaldu da Txibite

Ion Orzaiz

Lehendakariak justifikatu du Osasunbideko sendagileei aukera ematea osasun pribatuan ere jardun daitezen: «Profesionalak erakartzeko bidea da». Erabakiaren aurka azaldu dira EH Bildu eta Ezkerra
LAB sindikatuak elkarretaratzea egin zuen atzo, Iruñean. ©JAGOBA MANTEROLA / FOKU

«Pribatuaren interesak babestea» egotzi dio LABek Sindikatu Medikoari

Itsaso Jauregi

Iruñeko elkarretaratzean, sindikatuak adierazi du sendagileen esklusibotasuna kentzea osasun publikoaren kalterako izanen dela
Bilboko etxegabearen heriotza gaitzetsi zuten atzo iluntzean, udaletxe aurrean. ©MONIKA DEL VALLE / FOKU

«Pobreen aurkako gerra» salatu dute, hildako etxegabea oroitzean

Maite Asensio Lozano

Etxebizitza eskubidea bermatzeko exijitu dute Eskubide Sozialen Gutunak eta AZET taldeak
Pertsona batzuk, maskara jantzita, autobusean. ©JUAN CARLOS RUIZ / FOKU

Otsailaren 8tik aurrera maskara ez da beharko Hegoaldeko garraio publikoan

Edurne Begiristain Julen Aperribai

Espainiako Osasun ministroak esan du adierazleak «oso egonkorrak» direlako kenduko dutela. Halere, osasun zentroetan eta farmazietan derrigorrezkoa izango da

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.