Albistea entzun

Kurdistan

Irango Poliziak tiro egin die manifestariei, milaka pertsona Aminiren hilobian bildu ostean

«Emakumea, bizitza, askatasuna» oihuarekin gogoratu dute emakume gaztea, Irango Moralaren Poliziak hil eta 40 egunera.

Milaka pertsona, gaur, Sakizko hilerrirako bidean, Amini gogoratzeko.
Milaka pertsona, gaur, Sakizko hilerrirako bidean, Amini gogoratzeko. Tamaina handiagoan ikusi

Edu Lartzanguren -

2022ko urriak 26

Irango agintariek debekatu arren, milaka pertsona bildu dira gaur Mahasa Amini gaztearen hilobiaren inguruan, Kurdistango Sekiz hirian. Amini 22 urteko emakumea irailaren 13an atxilotu zuen Poliziak, Teheranen, «janzkera desegokia» eramateagatik. Polizia etxera eraman zuten, «heztera». Gaztea handik hiru egunera hil zen, koman egon ostean. Aminiren aitak salatu zuen alabak kolpeen markak zituela hanketan, eta Poliziari egotzi zion hura hil izana. Poliziak ukatu egin du halakorik, eta ziurtatu zuen bihotzekoak jota hil zela Amini. Sendiak nabarmendu du gazteak ez zuela osasun arazorik.

Gaur egun berezia zen gaztearen familiarentzat, musulman xiitentzat heriotzatik 40 egunera ospatzen da hildakoarengatik eginiko dolua. Irango agintariek debekatu egin dute hilerrian egin beharreko zeremonia. Haatik, milaka pertsona joan dira kanposantura, «Emakumea, bizitza, askatasuna», eta «diktadorea akabatu» oihukatzen, Irango buruzagi gorena Ali Khamenei gogoan. Gehienak oinez heldu dira, Poliziak bidea blokeatuko zuelakoan.

Aminiren heriotzak protesta jendetsuak piztu ditu azken asteotan Irango ehun hiritan baino gehiagotan. Emakumeek kaleak hartu dituzte. Askok beren hijabak erre edo ilea moztu dute herrialdean indarrean den emakumeentzako janzkera kodea gaitzesteko. Protestak piztu zirenetik, 234 manifestari baino gehiago hil dituzte, 29 haur tartean, ehunka zauritu eta milaka atxilotu, giza eskubideen aldeko zenbait elkartek salatu dutenez.

Hilerriko ekitaldiaren ostean, istiluak gertatu dira hiriko erdigunean, eta giza eskubideen aldeko taldeek esan dutenez, Irango Poliziak tiro egin die manifestariei Zindan enparantzan, eta negar gasa erabili du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ponsati Generalitateko kontseilari ohia, Puigdemont presidente ohia, Puig kontseilari ohia eta Boye abokatua, atzo, Bruselan. ©LEO RODRIGUEZ / EFE

Erbesteratu katalanak Espainiaratzea baztertzeko irizpideak, zehaztuta

Gorka Berasategi Otamendi

EBko Justizia Auzitegiak ebatzi du Belgikak Espainiako justiziaren «gabezia sistemiko bat» frogatu behar duela haren euroagindu bat baztertzeko. Ez da guztiz lerratu, ez independentistekin, ez Llarenarekin

AEBetako gerra abioi batzuk, Ozeano Atlantikoko hegazkinontzi batean. ©STEPHANIE LECOCQ / EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Borrokarako hegazkinak Kievi entregatzea aztergai dute, baina aliatuek ez dute jarrera bateraturik. AEBek eta Berlinek ezetz esan dute

Antony Blinken AEBetako Estatu idazkaria eta Benjamin Netanyahu Israelgo lehen ministroa, atzo, Tel Aviven. ©DEBBIE HILL / EFE

«Lasaitasuna berrezartzeko» eskatu die Blinkenek Israeli eta Palestinari

Mikel Elkoroberezibar Beloki

AEBetako Estatu idazkariak Tel Aviven adierazi du AEBek «Israelgo segurtasunarekin» daukaten konpromisoa «hautsezina» dela. Israelgo armadak gutxienez 35 palestinar hil ditu aurten

AEBetako F-16 hegazkin batzuk ariketa militarrak egiten Hego Korean ©EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Auzia mahai gainean dago, baina Mendebaldeak ez du jarrera bateraturik. Macronen arabera, hainbat aldagai hartu beharko lirateke kontuan borrokarako hegazkinak entregatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.