Albistea entzun

Finantzak

Kutxabankek %42 handitu ditu irabaziak, 250 milioi euroraino

Interes tasen igoeratik onura igartzen hasi da bankua, eta, urtarriletik irailera, iaz baino 75 milioi euro gehiago irabazi ditu. Diru sarrera gehien zerbitzuetatik eta aseguruetatik lortu du.

Kutxabanken bulego bat.
Kutxabanken bulego bat. Berria Tamaina handiagoan ikusi

Irune Lasa -

2022ko urriak 27

Interes tasak gorantz doaz, eta Euriborra %2,5en gainetik den honetan, bankuak olatua hartzen ari dira; Kutxabankek igarri dio horri hirugarren hiruhilekoko emaitzetan. Bankuak 250,5 milioi euroren etekinak bildu ditu urtarriletik irailerako tartean, iaz epe berean baino %42,1 gehiago.

Jakina, emaitza on horietan pisu handia izan dute interesek. Hain zuzen, interes marjinengatik urte hasieratik hona 429 milioi euroren sarrerak izan ditu Kutxabankek, iazko epe berean baino %2,7 gehiago.

Edonola ere, etekin gehien zerbitzuetatik eta aseguruetatik iritsi zaizkio bankuari, 473,4 milioi euro, iaz baino %6,9 gehiago. Horrela, bi arlo horiek erakundearen negozioaren %52 hartzen dute jada, interes marjinen atala gaindituta.

Kredituetan egindako inbertsioa 47.200 milioi eurora handitu du Kutxabankek, %3,4 gehiago, batez ere handizkako bankaren (erakundeak eta enpresak) bultzadarengatik. Txikizkako bankan, hipoteka maileguak sinatzen jarraitu du bankuak, 2.669 milioi euro izan dira urteko lehen bederatzi hilabeteetan, «merkatu kuotak hobetuz, nahiz eta testuingurua oso lehiakorra izan». Eta kontsumo maileguetan ere %9,2 handitu du kontratatuko diru kopurua, 413 milioi euroraino.

Emaitzarik onenetakoak, dena den, pentsio planekin, funtsekin eta aseguruekin erdietsi ditu Kutxabankek. Balantzetik kanpoko baliabideetan Kutxabankek administratutako bezeroen baliabideak %0,6 hazi dira, 72.294 milioi euroraino, eta merkatuan sartu diren harpidetza guztien %16 bereganatu ditu.

Bankuak gaur egun 20.000 milioi euro inguru ditu inbertsio funtsetan kudeatuta, eta haren merkatu kuota % 6,8 da. Aseguruetan, berriz, Kutxabank Segurosek 100.000 poliza berri banatu ditu 2022ko lehen hiru hiruhilekoetan.

Bankuak sarrera handiak izan ditu enpresetako parte hartzeetatik ere: 83,7 milioi euro, batez ere dibidenduei esker.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

URAK EZ DARAMATZAN ARAUAK

Imanol Magro Eizmendi

Kontrolatu al daiteke langileek komunean pasatzen duten denbora? Tarte hori atsedena da, edo lan denbora? Legezkoa al da baimena eskatu behar izatea? Legeak laneko komunerako bueltak nola arautzen dituen aztertu dute zenbait adituk, eta horrekin lotutako auziak eta lan gatazkak azaldu.

LABen elkarretaratzea Donostian, lan ikuskaritzak salatutako tabernaren aurrean ©Gotzon Aranburu (Foku)

Ostalaritzako «lan esplotazioa» salatu du LABek

Berria

Sindikatuak elkarretaratze bat egingo du Donostian atxilotutako enpresaburuen jatetxe baten aurrean.

Robert Habeck Alemaniako Ekonomia ministroa, iragan astean. ©FILIP SINGER / EFE
LABeko kideak, Sernaren atarian. ©LAB

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...