Albistea entzun

Brasil

Bolsonaroren jarraitzaileak «esku hartze militarra» eskatzen ari dira Brasilgo kaleetan

Brasilgo jarduneko presidentearen ustez, plazetako protestak «joko demokratikoaren parte» dira. Jarraitzaileei eskatu die errepideetako protestak eteteko.

Bolsonaroren aldekoak, atzo, Lularen aurkako «esku hartze militarra» aldarrikatzen, Rio de Janeiron (Brasil).
Bolsonaroren aldekoak, atzo, Lularen aurkako «esku hartze militarra» aldarrikatzen, Rio de Janeiron (Brasil). ANTONIO LACERDA / EFE Tamaina handiagoan ikusi

Mikel Elkoroberezibar Beloki -

2022ko azaroak 3

Igandean Luiz Inacio da Silva Lula ezkertiarrak Brasilgo hauteskundeak irabazi zituenetik, Jair Bolsonaro jarduneko presidente eta eskuin muturreko hautagaiaren jarraitzaileek protesta ugari egin dituzte herrialdeko kaleetan. Atzo, esaterako,Bolsonaroren aldekoak Brasilgo kuartel militar ugariren inguruan bildu ziren protestan, eta Lulak osatuko duen gobernuaren aurkako«esku hartze militarra» eskatu zuten. Lulak 2023ko urtarrilaren 1ean egingo du presidente karguaren zina, eta hori eragotzi nahi dute Bolsonaroren jarraitzaileek, herrialdeko plaza askotan aldarrikatu dutenez, «esku hartze militar» baten bidez. Jarduneko presidenteak babestu egin ditu, sare sozialetan zabaldutako mezu baten bidez: «Joko demokratikoaren parte dira».

Ultraeskuindarraren aldekoak bestelako mobilizazioak ere egiten ari dira. Kamioilariek, esaterako, Brasilgo errepide nagusiak blokeatu dituzte, eta, hala, trafikoa oztopatu. Bolsonarok bere jarraitzaileei eskatu die errepideetako protestak eteteko, «joan-etorriak errespetatzeko», hain zuzen. Errepideak «askatzeko» eskatu die ultraeskuindarrak, haren aldeko mugimenduak «zilegitasuna gal ez dezan».

Igandean egin zuten Brasilen presidentetzarako hauteskundeen bigarren itzulia: Lulak botoen %50,9 eskuratu zituen, eta ia bi punturen aldea atera zion eskuin muturreko hautagaiari (%49,1). «Bolsonarok oraindik ez nau deitu zoriontzeko, eta ez dakit nire garaipena aitortuko duen ala ez», esan zuen bozen garaileak, emaitzen berri izan bezain pronto egin zuen hitzaldian. Bolsonarok, berriz, bart esan du «triste eta haserre» dagoela emaitzekin.

Bolsonarok azaroaren 1ean egin zuen lehen agerraldia, eta ez zuen aitortu Luiz Inacio da Silva Lula-k irabazi zuela. Esan zuen konstituzioari «leial» izango zaiola; hau da, interpreta daiteke ez duela emaitza inpugnatzeko asmorik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Poliziaren indarkeriaren kontrako manifestazio bat, atzo, Atlantan, Georgia estatuko hiriburuan. ©ERIK S. LESSER / EFE

Poliziak Nicholsi eman zion jipoiak protestak piztu ditu AEBetan

Gorka Berasategi Otamendi

Ostiralean publiko egin zituzten bost poliziak gazte afro-amerikarrari eman zioten jipoiaren irudiak. Grabazioetan ikusten denez, bortizki jo zuten, baita aurre egiteko aukerarik ez zuenean ere

 ©EMILIA GUTIERREZ / LV

«Ezohiko egoera bat sortu dugu: epaileek iritzia ematen dute guztiaren inguruan»

Mikel Elkoroberezibar Beloki

Espainiako botere judizialak joera erreakzionarioa hartu duela uste du Pedro Vallinek, eta hori ez dela kasualitatea. Azaldu du Espainiako Estatuak bere iraupena arriskuan ikusten badu demokrazia «etsaitzat» eta «mehatxutzat» har dezakeela.
Greziatik kanporatutako migratzaile talde bat, baltsa batean, Turkiako kostazainen esku gelditzear. ©ERDEM SAHIN / EFE
Jerusalemgo atzoko erasoan zauritutako bat, esku ohe batean. ©A. SAFADI / EFE

Bi israeldar larri Jerusalemen izandako beste eraso batean

Berria

Erasotzailea 13 urteko nerabe palestinar bat da, Israelgo Poliziaren arabera. 42 lagun atxilotu dituzte Zisjordanian

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.