Albistea entzun

Euskara

'Ekin' hitza izango da 2023ko Araba Euskaraz ikastolen jaiaren ikur eta leloa

2023ko ekainaren 11n egingo dute, Olarizun, baina urte osorako ere antolatu dituzte bestelako ekintzak.

Unai Mendizabal eta Salome Martinez de Ilarduya Araba Euskarazen aurkezpenean, Gasteizen, gaur
Unai Mendizabal eta Salome Martinez de Ilarduya Araba Euskarazen aurkezpenean, Gasteizen, gaur Araba Euskaraz Tamaina handiagoan ikusi

Iraia Vieira Gil -

2022ko azaroak 10 15:40

Unai Mendizabal Arabako Ikastolen Elkartearen presidenteak eta Salome Martinez de Ilarduya Lautada ikastolako zuzendariak 2023ko Araba Euskaraz ikastolen jaialdia aurkeztu dute gaur, Gasteizen. 2023ko ekainaren 11n egingo dute, Olarizun, eta zortzi ikastolak hartuko dute parte.

Ardatzak aurtengo ereduari jarraituko dio, eta, auzolanaren eta elkarlanaren bidez, elkarri irakatsiko diote, elkarren arteko harremanak aberasteko helburuarekin. Batzordeak antolatuko dituzte ikastoletan, eta haien artean koordinatuko dira ekitaldia aurrera eramateko: material salmenta, txartel salmenta, egitarauen taxuketa...

Aurtengo ikur eta leloari dagokienez, Ekin hitzak osatuko ditu biak: «Ekinaren ekinez iritsi garelako ikastolak honaino, ekinaren ekinez iritsi delako Araba Euskaraz honaino». Bestalde, eta «elkarrekin» egin duten bidea izan denez, aditza deklinabide atzizki bihurtuko dute ikurrean eta, modu horretan, bi esanahi hartuko ditu hitzak.

Horrez gain, eta iaz egin zuten moduan, Araba Euskaraz urte osoko jaialdi bihurtuko dute aurten ere. «Araba Euskaraz urteari ekingo diogu», esan dute antolatzaileek. Hala, Arabako eskualde bakoitzean antolatuko dituzte egitasmoak, betiere euskara lurralde osoan zabaltzeko helburuarekin. «Euskal kulturak behar duelako Araba Euskaraz jaiean agertokia, ikusia eta entzuna izan dadin».

Oraingoz, bi ekitaldiren berri eman dute: «Kalejira erraldoi bat» eta «Go!azen kontzertua». Agurainen izango da lehenengoa, azaroaren 18an, eta Asier Burguete DJ-a, malabaristak, hanka luzeak, photocall-a eta txosnak egongo dira bertan. Bigarrena, berriz, abenduaren 4an izango da, Euskararen Egunaren ostean, eta bi emanaldi emango ditu Go!azen taldeak Gasteizko Europa Biltzar Jauregian. 17:00etan bata, eta 19:00etan bestea.

Lautada ikastola

2023ko Araba Euskaraz jaiarekin lortuko duten dirua Lautada ikastolaren proiektua laguntzeko erabiliko dutela jakinarazi dute. 2008. urtean sortu zuten Lautada ikastola, Arabako Lautadan «kalitatezko hezkuntza euskalduna» eskaintzeko xedez. Agurainekin harreman estua dute, eta, Araba Euskaraz jaiak aldarrikatzen duen moduan, elkarlana eta auzolana dituzte ikastola horretan «lanabes nagusi». Kooperatiba bat da, eta 250 ikasle ditu guztira.

Araba Euskaraz festaren bitartez, proiektuari bultzada eman nahi diote, eta xedeak zabaltzen jarraitzeko indarrak lortu nahi dituzte.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lege proposamenaren bozketaren emaitza. ©Iñigo Uriz / Foku

Mañeru eremu mistoan sartzeko lege proposamena atzera bota dute PSNk eta Navarra Sumak

Joxerra Senar

Proposamena babestu duten lau taldeek ez dute ulertzen sozialistek nolatan baztertu duten Mañeruko Udalak aho batez onartutako eskaera, eta eskuinaren beldur izatea aurpegiratu diote.

Lezetxikiko aztarnategian eginiko indusketa lanak, artxiboko irudi batean. ©Andoni Canellada / FOKU

Lezetxikiko hagin bati esker baieztatu dute neandertalak oso berandu arte bizi izan zirela inguruan

Edu Lartzanguren

Diego Lopez-Onaindia ikertzaileak adierazi du kezkatuta dagoela AHTren lanek kobazuloan eginiko kalteekin. Arrasateko Udalak azalpenak eskatu dizkio Lezetxikin eginiko kalteen «kausen eta erantzukizunen» inguruan

AEBetako Amadako M-113 motako blindatu bat, maniobratan, Hohenfelsen (Alemania) 2015. urtean. ©Spc. Tyler Kingsbury

Madrilek «diskrezioa» eskatu du astelehenean Bilbotik Ukrainara bidaliko dituzten ibilgailu blindatuen inguruan

Edu Lartzanguren

Armen bidalketa NATOko herrialdeekin «erabat koordinatuta» egingo da, Margarita Robles Espainiako Defentsa ministroak gaur esan duenez.

Gaindegiaren webgunea, artxiboko irudi batean. ©

Munduko batez besteko gas emisioak halako bi isurtzen da Euskal Herrian

Iosu Alberdi

Gaindegiak '2022ko adierazle galeria nagusia' txostena osatu du, lan publikoaren eten baten ostean. Datu demografikoak, ekonomikoak, sozialak eta ingurumen arlokoak landu ditu. 

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...