Albistea entzun

Jardunaldiak

Hasi dira amatasuna «ikuspegi feministatik» aztertzeko bi egunak

Iritzi eta sentitzeko era askotarikoei lekua egitea da asmoa: «Zalantza, zaurgarritasuna, sentiberatasuna eta arrarotasuna ondo etorriak dira».

'(Ez)amatsunak ikuspegi feministatik' jardunaldia
'(Ez)amatsunak ikuspegi feministatik' jardunaldia BERRIA Tamaina handiagoan ikusi

Arantxa Iraola -

2022ko azaroak 11

Abian dira (Ez)amatasunak ikuspegi feministatik jardunaldiak, Donostiako Tabakaleran. Gaur eta bihar egingo dira. Badira jardunaldietan ezohikoak diren irudiak: ume txikiak, esaterako. Eta parte hartzaile guztiek jaso dute «elkar zaintzeko ituna». Hartan, jardunaldiak antolatu dituen elkarteak, Emaginek, argi utzi du jardunaldion asmoa ez dela inor «epaitzea», baizik eta «(ez)amatasunari» buruz «ikuspegi feminista batetik» gogoeta egitea, «errespetuz».

Hori aintzat hartuta ondu dute ituna: «Ondokoak dioena entzun, eta enpatia ariketa bat egingo dugu, bakoitzak berea pixka bat mugituz, zabalduz», adierazi dute antolatzaileek. «Zalantza, zaurgarritasuna, sentiberatasuna, ezegonkortasun, txikitasuna eta arrarotasuna ondo etorriak dira». Lehen hitzaldiaren aurretik, adierazi dute parte hartzaile guztiak «aberastea» dela asmoa, eta ama izateko era «askotarikoei» erreparatu nahi dietela; «arrakalak» ere bilatu nahi dituzte, egun ezarrita dauden hainbat sistematan. «Egin, desegin, berregin», hori da, hain justu ere, jardunaldiaren aldarria.

Lehen mahai ingurua bukatu da. Diana Oliver izan da hitza hartzen lehena. Kazetaria da, eta lan ugari egin du «prekaritateak» ama izateko egun eragiten dituen arazoen inguruan. Hain justu ere, azaldu du «prekaritateak» ama izateko prozesua baldintzatzen duela. Horrek egoera aski zailetan uzten ditu emakume asko. Horiek horrela, umeen «erritmoak» errespetatuko dituen mundu bat aldarrikatu du, haien zaintza aintzat hartuko duena. Feminismoari eskatu dio bideak irekitzeko «amatasun kontziente» bat bizi nahi duten andreentzat. Esan du amatasuna «esentzialismoarekin» lotzeko joera izan dela usu feminismoan, eta ez zaiola gaiari trataera ona eman. Amatasunak, era batera edo bestera, emakumeen bizitzak «ardazten» dituela onartu behar dela esan du, eta tokia egin behar zaiola. Finean, «patriarkaturen» garaipena emakumeek «aukeratu ezin dutenean» gertatzen dela argudiatu du, eta andreek hitza izatea lehenetsi behar dela.

Marina Sagastizabal soziologoak hartu du gero hitza. Nabarmendu du amatasunak emakumeak «zigortu» egiten dituela gehiegitan, «zaintzaren» arloan haiei egokitzen zaielako jardutea, batez ere. «Familia ereduak» aldatu direla esan du, baina «gizarte zerbitzuak» ez direla hein berean garatu, eta gizonek ez dituztela hartzen beren andreen pare zaintzarekin lotutako erantzukizunak.

Anna Molasek itxi du mahai ingurua. Obulu ematearen inguruko ikerketa bat egiten ari da, eta horren berri eman du. Horrek donazioa egiten duten andreentzat ekar ditzakeen «arriskuen» gaineko ikerketak falta direla esan du, eta ernalkuntza lagunduan diharduten klinikek usu ez dituztela emakume horiek era egokian informatzen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Donostialdeko ESIko zerbitzuburuek egindako agerraldia, atzo, Donostian. ©JON URBE / FOKU

«Harreman asimetrikoak» hausteko eskatu diote Jaurlaritzari

Edurne Begiristain Iosu Alberdi

Donostialdeko ESIko zerbitzuburuek kontsultarako mahai bat proposatu diote Gasteizi, bitartekari lana egiteko
Jonan Fernandez, atzo, gazteen emantzipaziorako estrategia aurkezten. ©IREKIA

Emantzipatzeko laguntzak jasoko dituzte 25 eta 29 urte artekoek

Edurne Begiristain

Jaurlaritzak gazteen emantzipazioa sustatzeko estrategia ondu du. 2030erako 29 urtera jaitsi nahi du gurasoen etxea uzteko adina
Bingen Zupiria Eusko Jaurlaritzako bozeramailea, artxiboko argazkian. / ©Endika Portillo, Foku

Zupiriak esan du Osakidetzaren lan ildoarekin «erresistentzia» agertzeagatik egin direla kargugabetzeak

Edurne Begiristain

Gotzone Sagarduik Eusko Legebiltzarrean agerraldia eskatu du, Donostialdeko ESIaren egoera azaltzeko.

Antton Kurutxarri EEPko lehendakaria agerraldi batean ©Guillaume Fauveau

EEPko ordezkariek Parisen isiltasuna deitoratu dute

Garazi Aduriz Zuñeda

Irailean egin zuten bilkura Frantziako Hezkuntza Ministerioarekin. Azterketak euskaraz egiteko eskubidea aipatu zuten nagusiki.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...