Albistea entzun

Erreakzioak

Zupiria: «Irulegikoa ez genuke eztabaida politikorako erabili beharko»

 

Paulo Ostolaza -

2022ko azaroak 14 11:49

Irulegiko eskua ez da edonolako aurkikuntza izan, eta hori erakusten dute hark eragindako erreakzioek. Dozenaka izan dira aurkikuntza jakin-minez eta pozez jaso dutenak; tartean, Hego Euskal Herriko hainbat ordezkari politiko.

Maria Txibite Nafarroako lehendakaria izan da aurkikuntzari buruz hitz egiten lehenengoa. «Lehen mailako aurkikuntza historikoa» dela azpimarratu du. «Horrelako jauzi gutxi eman ditugu gure historiaren eta kulturaren ezagutzan», esan du, eta Irulegiko aztarnategian lanean jardun direnen «lan zorrotza» goraipatu du.

«Zirraragarriena da hau hasiera besterik ez dela. Ez dakigu zenbat altxor gehiago aurkitu ahal izango ditugun Irulegin», amaitu du lehendakariak. Geroago, Twitterren, sorioneku hitzaz jardun du: «Hizkuntza baskonikoz idatzitako lehen hitza da, gure euskararen aurrekaria. Irulegiko eskua gure historiaz gehiago jakiteko aukera bat da».

Eusko Jaurlaritzaren aldetik, Bingen Zupiria bozeramaileak hitz egin du. Aurkikuntzaren garrantzia azpimarratzeaz gain, esan du zeresana emango duela, eta historiako zenbait atal berrikusaraziko diela historialariei.

Dena den, azpimarratu du «zientzia gertakari bat» dela, eta, horregatik, zientzialariei utzi behar zaiela protagonismoa: «Gai hau ez genuke eztabaida politikorako erabili beharko», adierazi du. Irulegik «garrantzia berezia» hartuko duela aurreikusi du Zupiriak.

Nafarroan

Nafarroara itzulita, Geroa Baiko Uxue Barkosek ere esan du «garrantzi izugarria» duen aurkikuntza bat dela. Gehitu du Nafarroaren nortasun historikoa eta kulturala argitzen lagunduko duela: «Zientziak, sarritan, alderdiok elkarren artean ditugun ezberdintasunak gainditzen laguntzen du; izan ere, izaten ditugun eztabaidetan, batzuetan, errealitatetik urruntzen gara erakunde publikoetako ordezkariok», aitortu du.

EH Bilduko Adolfo Araizek, berriz, «euskaraz idatzitako lehen testuaz» hitz egin du. Halako aurkikuntza bat Nafarroan eta, zehazki, Iruñerrian egin izanaren garrantzia azpimarratu du. Adierazi duenez, ikusi egin beharko da datozen hilabeteetan eta urteetan ikerkuntzak zer-nolako garapena izaten duen.

Arnaldo Otegik eta Arkaitz Rodriguezek ere goraipatu dute aurkikuntza Twitterren. Rodriguezek aipatu duenez, «paradoxikoki, euskararen eta Euskal Herriaren negazionista handienak Irulegiko eskuaren lurretan ditugu. Mitxelenak esan zuen bezala, benetako miraria euskara gaurdaino bizirik iritsi izana da», amaitu du.

«'Sorioneku'-ak gu!»

Politikariek ez ezik, Andres Urrutia euskaltzainburuak ere mintzagai izan du Irulegiko eskua. «Aurkikuntzak euskararekin duen lotura baieztatzen bada» mugarri bat izango dela azaldu du, euskara lurralde horretan aspalditik dagoela frogatuko bailuke: «Euskarak dagokion estatusa izan dezan, sozialki proiektatu behar dugu lurralde horretako hizkuntza bat dela».

Oraindik goiz dela esan du, eta diziplina arteko ikerketarako Euskaltzaindiaren laguntza eskaini du.

Dozenaka aritu dira aurkikuntzaz sare sozialetan ere. Gehienek sorioneku hitzarekin hitz jokoak egiteko baliatu dute aukera; beste batzuek, Aranzadi egindako lanagatik zoriontzeko. Aurkikuntzak emozionatu egin duela aitortu duenik ere izan da.

Txema Ramirez de la Piscina kazetari eta ikerlariak, adibidez, Nafarroako Gobernuari egin dio erreferentzia: «Espero dezagun Irulegiko eskuak eskuzabalago egingo duela Nafarroako Gobernua bera ere, eta euskararen ofizialtasunari lurralde osoan zabaltzeko bide emango diola».

Nazioartean ere izan du oihartzuna berriak: AEBetako Kristina Killgrove dibulgatzaileak, besteak beste, albistearen berri eman du, BERRIAren artikulua aipatuta.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ruper Ordorika eta Joseba Sarrionandia, astelehen iluntzean, Bilboko Kafe Antzokiko Kutxa Beltza aretoan. ©ARITZ LOIOLA / FOKU

Gaur konta daitezkeen kantuak

Olatz Enzunza Mallona

Ruper Ordorika eta Joseba Sarrionandia askotariko gaiez solasean aritu dira 'Huntaz eta hartaz' emanaldian, elkarrekin izandako bizipenak ardatz hartuta. Astelehen iluntzean hasita, bihar arte egingo dituzte saioak, Bilboko Kafe Antzokiko Kutxa Beltza aretoan. Agortuta daude sarrera guztiak.

Maria Schneider, 2019an, Donostiako Jazzadiaren aurkezpen batean. ©Gorka Rubio / Foku

Maria Schneider eta Brad Mehldau Gasteizko Jazzaldian izango dira

Mikel Lizarralde

Uztailaren 3tik 8ra egingo den 46. jaialdirako baieztatu dituzten lehenengo bi artistak dira.

Eneko Barberena idazlea, <em>Suak erreko ez balu</em> eleberria eskuan, Oñatin (Gipuzkoa). ©JON URBE / FOKU

Mendizale kiskalien beltza

Uxue Rey Gorraiz

'Suak erreko ez balu' nobela argitaratu du Eneko Barberenak, Txalapartarekin. (H)ilbeltza sormen beka irabazita eman du. Istorioak Aezkoan izaniko mendi sute bat du abiapuntu

Irene Larrañaga, <em>Insuladas</em> erakusketaren egilea, Donostiako Aquariumeko Nautilius aretoan. ©ANDONI CANELLADA / FOKU

'Insuladas', irla diren emakumeak

Miren Mujika Telleria

Bakarrik bizi diren andreak dira Irene Larrañagaren ‘Insuladas’ erakusketako protagonista.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.