«Usansolo herria da!». Hori da gaur albistea, eta askoren poz iturria. Hain justu, Galdakaoren parte (Bizkaia) izateari utzi dio Usansolok. Eskaerak hainbat etapa gainditu ditu orain arte, baina gaur utzi du atzean handienetako bat. Desanexioaren inguruko eztabaida egin dute gaur Bizkaiko Batzar Nagusietako osoko bilkuran. Bozka egin dute, eta hau izan da emaitza: aldeko 39 boto, kontrako zortzi, eta bi abstentzio. Honela diote emaitzek: herria da jadanik, Bizkaiko 113.a.
Txanpaina, pastelak, malkoak eta besarkadak Usansolo Bizkaiko 113. herria dela ospatzeko @berriapic.twitter.com/oKWsNoStcM
— Gotzon Hermosilla (@GotzonH) November 23, 2022
Aldi berri bat hasi du, beraz, Usansolok. Urteetan aldarrikapena ahotan izan duten herritarrak pozez gainezka dira goiz-goizetik. Horren lekuko izan da BERRIAko kazetari Gotzon Hermosilla.
"Usansolo herria da!" @berriapic.twitter.com/26ZDUCIXTX
— Gotzon Hermosilla (@GotzonH) November 23, 2022
Hainbat herritar izan dira Usansolotik gaur Gernikara joan direnak, Batzar Nagusien saioa ikustera. Kanpoan geratu dira batzuk, eta barruan egon dira beste batzuk. Elixabete Etxanobe foru diputatuak orain arteko prozesua azaldu du lehenik, eta gero egin dute bozketa. Amaitzean, malko, besarkada eta deiadar artean atera dira barruan zeudenak. Guztiek argazki bat atera dute elkarrekin, eta xanpainarekin ospatu dute bozketaren emaitza.