Albistea entzun

Gerra zikina

Juan Alberto Belloch: «Galindo, borrokalari antiterrorista moduan, onena zen»

Justizia eta Barne ministro ohiak adierazi du bera izan zela Galindori jeneral kargua ematea ahalbidetu zuena, nahiz eta jakin atxilotuak torturatzen zituela.

Juan Alberto Belloch, artxiboko irudi batean.
Juan Alberto Belloch, artxiboko irudi batean. Javier Cebollada / EFE Tamaina handiagoan ikusi

Iosu Alberdi -

2022ko abenduak 5

Jose Barrionuevo Espainiako Barne ministro ohiak El País egunkariak egindako elkarrizketan aitortu zuen gerra zikina antolatu zuela. Orain, berriz, Juan Alberto Belloch Espainiako Justizia eta Barne ministro ohia mintzatu da GAL hizpide hartuta, El Español hedabideak egindako elkarrizketan. Enrique Rodriguez Galindo Guardia Zibileko jeneral izendatzeko erabakia bultzatu zuen Bellochek, hark egindako torturen jakitun izan arren. Argudiatu du «onena» zela «terrorismoaren kontrako borrokan». Are gehiago, adierazi du «metodo» horiek —hau da, torturak— zirela Galindok gaizki egiten zuen «gauza bakarra».

«Nire ideia izan zen mailaz igotzea», adierazi du Bellochek, 1994tik 1996ra ministro izandakoak. Hala argudiatu du erabaki hura: «Bi alde zeuden: judiziala eta antiterrorista. Judiziala: Galindok delitu bat egin bazuen, ikertua izan behar zien, beste edozein herritarrek bezala. Eta izan zen. Baina, borrokalari antiterrorista moduan, onena zen». Bere burua tortura kasuetatik aldentzeko, berriz, Bellochek azaldu du berak esan ziola Galindori ezin zuela «tratu txarrak» ematen jarraitu.

Bellochek zalantzan jarri du Galindok Lasa eta Zabalaren hilketetan parte hartu izana. Adierazi du ez zituela sinistu El Mundo-k Intxaurrondoko torturen eta Lasa eta Zabalaren hilketen inguruan argitaratutakoak: «Epaileek esan zuten arte, ez nuen pentsatu Galindok hil zituenik Lasa eta Zabala. Ez nuen inoiz imajinatu. Izatez, oraindik ere nire zalantzak ditut». Argudiatu du zail egiten zaiola sinestea Galindok egin izana zerbait «hain bortitza eta txoroa»: «Bera izan balitz, normalena litzateke ezer ez jakitea inoiz».

Justizia eta Barne ministro ohiak adierazi du Espainiako Barne Ministerioak hilean 500.000 pezeta ematen zizkiela Espainiako Poliziaren Bilboko komisariorde Jose Amedoren eta Bilboko Informazio Brigadako polizia Michel Dominguezen emazteei, haien isiltasuna erosteko. Halere, esan du berak eten egin zuela dirusari hori. «Rafael Vera [Espainiako Gobernuko Segurtasun zuzendaria] eragiten saiatu zen, Amedoren eta Dominguezen emazteentzako dirua ezinbestekoa zelakoan. Nire ministerioko goi kargudunekin hitz egin zuen, haiek konbentzitzeko dirusaria berrezarri zezaten».

Halere, Bellochek GALen ekintzetatik aldendu nahi izan du Felipe Gonzalez Espainiako gobernuburu ohia: «Zintzoki, uste dut Felipek ez zuela zerikusirik izan». Ardura Barne Ministerioko goi kargudunen gain utzi du: «Esan dezakedan gauza bakarra da GAL Barne Ministerioko goi zuzendaritzan eratu zirela, agintzen zutenen artetik. Ez zen pertsona bakarra izan».

Foro Sozial Iraunkorrak «onartezintzat» jo ditu Bellochen hitzak, horiek «kontakizun autojustifikatzaile» batean pean kokatuta: «Jose Barrionuevoren kasuan bezala, beharrezkoa da estatuaren biktimei babes politiko eta instituzionala adieraztea. Birbiktimizatuak ez izateko eskubide bera dute».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

<em>Mozal legearen</em> aurkako protesta bat, iazko otsailean. ©ELOY ALONSO / EFE

'Mozal legearen' erreforma ahalbidetzeko eskatu die PSOEk EH Bilduri eta ERCri

Xabier Martin - Jon O. Urain

Gaur batzartuko da Herritarren Segurtasunerako Espainiako Legea aldatzeko lantaldea. EH Bilduk ez du onartuko erreforma «light» bat
Ikasle Abertzaleen agerraldia, atzo, Gasteizen. ©BERRIA

IAk salatu du 34 ikasleri espedientea irekiko dietela

Berria

Manifestazio bat egingo dute otsailaren 16an Gasteizen, besteak beste, EHUn «kontrol soziala amaitu» dadin
Mertxe Aizpurua Espainiako Kongresuan. ©JUANCARLOS HIDALGO / EFE

'Mozal legearen' erreforma ez blokeatzeko eskatu die PSOEk bazkideei

Xabier Martin

EAJko Aitor Estebanek uste du orain arte adostutako zuzenketak egun indarrean dagoen legea hobetzen dutela. EH Bilduko Mertxe Aizpuruak, berriz, ohartarazi du Espainiako Gobernuak «hitzemandakoa» bete beharko duela koalizioaren babesa jaso nahi badu Herritarren Segurtasun Legearen erreformarako.

PSNk atea itxi dio Mañeru eremu mistoan sartzeari

Berria

Etzi bozkatuko dute proposamena parlamentuan. Alzorrizek esan du ez dela gaiaz «hitz egiteko garaia»

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.