Albistea entzun

Preso trukea

Errusiak aske utzi du Brittney Griner, AEBek Viktor Bout libre uztearen truke

Griner saskibaloi jokalaria eta Bout arma salmentagatik AEBetan espetxeratuta zegoena Abu Dhabiko aireportu batean trukatu dituzte Moskuk eta Washingtonek.

Bittney Griner AEBetako saskibaloi jokalaria (ezkerrean) eta Viktor Bout arma trafikoagatik AEBetan zigortutako Errusiako teniente ohia (eskuinean).
Bittney Griner AEBetako saskibaloi jokalaria (ezkerrean) eta Viktor Bout arma trafikoagatik AEBetan zigortutako Errusiako teniente ohia (eskuinean). STR/EFE Tamaina handiagoan ikusi

Berria -

2022ko abenduak 8

Errusiak eta AEBek preso bana trukatu dute elkarrekin, maila altuko negoziazio politikoen ondorioz. Moskuk Brittney Griner AEBetako saskibaloi jokalaria utzi du aske, eta Washingtonek arma trafikoagatik 25 urteko espetxe zigorra betetzen ari zen Viktor Bout.

Grinerrek ia hamar hilabete eman ditu segurtasun handiko espetxe batean, droga trafiko delituengatik. Bederatzi urteko kartzela zigorra ezarri zion Errusiako epaitegi batek. «Bera ondo dago, hegazkin batean dago, etxerako bidean, hilabetetan modu bidegabean Errusian espetxeratuta egon ostean, baldintza onartezinetan», adierazi du Joe Biden AEBetako presidenteak.

Etxe Zuriak ahaleginak egin ditu trukean Paul Whelman segurtasun korporatiboko exekutiboa askatzeko. 2018ko abendutik dauka atxilo Errusiak, espioitza karguengatik. Etxe Zuriak eta haren familiak salatu dute akusazioa oinarririk gabekoa dela. Bidenek adierazi du haren itzulera lortzeko lanean jarraituko dutela.

Errusiako Atzerri Ministerioak baieztatu duenez, preso trukea Abu Dhabiko aireportu batean egin dute, segurtasun neurri handiekin.

Bout Sobietar Batasuneko teniente ohia da, eta AEBetako Justizia departamentuak munduko arma trafikatzailerik handienen artean kokatu izan du. 25 urteko espetxe zigorra betetzen ari zen, haren kontrako sententziaren arabera, AEBen aurka erabiltzekoak ziren armak saltzeagatik, dozenaka milioi euroren balioagatik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Ponsati Generalitateko kontseilari ohia, Puigdemont presidente ohia, Puig kontseilari ohia eta Boye abokatua, atzo, Bruselan. ©LEO RODRIGUEZ / EFE

Erbesteratu katalanak Espainiaratzea baztertzeko irizpideak, zehaztuta

Gorka Berasategi Otamendi

EBko Justizia Auzitegiak ebatzi du Belgikak Espainiako justiziaren «gabezia sistemiko bat» frogatu behar duela haren euroagindu bat baztertzeko. Ez da guztiz lerratu, ez independentistekin, ez Llarenarekin
AEBetako gerra abioi batzuk, Ozeano Atlantikoko hegazkinontzi batean. ©STEPHANIE LECOCQ / EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Borrokarako hegazkinak Kievi entregatzea aztergai dute, baina aliatuek ez dute jarrera bateraturik. AEBek eta Berlinek ezetz esan dute
Carles Puigdemont (erdian) Luxenburgoko auzitegiaren epaia baloratzen, gaur, Europako Parlamentuan, inguruan Clara Ponsati, Gonzalo Boye, Lluis Puig eta Toni Comin dituela. ©Berria

Erbesteratu katalanek ezingo dituzte Belgikaren argudioak erabili Llarenaren euroaginduak baztertzeko

Gorka Berasategi Otamendi

Europako Batasuneko Justizia Auzitegiak ebatzi duenez, batasuneko estatu kide batek ezin dio uko egin beste kide baten euroagindu bati, frogatu ezean azken horrek sistematikoki urratzen dituela eskubideak.

AEBetako F-16 hegazkin batzuk ariketa militarrak egiten Hego Korean ©EFE

Ukrainara gerra abioiak bidaltzearen aurka agertu da, oro har, Mendebaldea

Igor Susaeta

Auzia mahai gainean dago, baina Mendebaldeak ez du jarrera bateraturik. Macronen arabera, hainbat aldagai hartu beharko lirateke kontuan borrokarako hegazkinak entregatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...