Nafarroa Arena goraino bete da han jokatu den lehen finalean
Goiz iritsi da jendea Nafarroa Arenara: ateak irekitzerako ilara egin dute bertsozaleek, eta, saioa hasteko oraindik ordu erdi falta zela, aretoa bete itxura hartzen hasi da. Sarrerak aspaldi agortu ziren, eta itxura bikaina izan du gaur Iruñeko pabiloiak.
Egin dute oholtzarako bidea zortzi bertsolariek. Zozketak erabakitako ordenean: Aitor Mendiluze, Nerea Ibarzabal, Amets Arzallus, Joanes Illarregi, Alaia Martin, Maialen Lujanbio, Sustrai Colina eta Beñat Gaztelumendi.
— Berria.eus (@berria) December 18, 2022
Nafarroa Arena txaloz bete dute. #BTN22 pic.twitter.com/VowLFVca7L
Pandemiaren osteko lehen finalean, nabaria izan da bertsolarien etaikusleen emozioa. Hori agerian geratu da bertsolariek oholtzara bidean egin duten bide luzean: zutik eta txaloka hartu dituzte ikusleek, bertsolariek itxurari eta kontzentrazioari eusteko lanak zituzten bitartean. Baita egun osoan ere: etengabeak izan dira zaleen olatuak, baita, tartean, malko mordoxka bat ere.
#BTN22 Hasi da finala. pic.twitter.com/muSkmwAX6S
— Bertsoa (@bertsolaritza) December 18, 2022
Navarra Arena mukuru beteta eta giro paregabean hastear da 2022ko Bertsolari Txapelketaren finala. Urtetan @Bertsozale Elkarteak ereindakoaren frutua ikusten da hemen. Egun handia euskaldunontzat eta #euskara-rentzat. #BTN22 #Bertsolaritza pic.twitter.com/Jt0QyzpZ6P
— Kike Amonarriz (@KikeAmonarriz) December 18, 2022
Gaiak
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
