Albistea entzun

Futbola

Espainiako federazioari matxismoa egotzi diote Superkopako sari banaketagatik

Bartzelonako eta Realeko jokalariek eurek hartu eta jantzi behar izan zituzten irabazi zituzten dominak. Joan den astean, gizonezkoen Superkopan, Luis Rubiales presidentea izan zen hori egiteko arduraduna.

Bartzelonako jokalariak garaipena ospatzen, atzo, Meridan (Espainia).
Bartzelonako jokalariak garaipena ospatzen, atzo, Meridan (Espainia). Jero Morales / EFE Tamaina handiagoan ikusi

Paulo Ostolaza -

2023ko urtarrilak 23

Realeko eta Bartzelonako jokalariak, Superkopako finalaren ostean, irabazitako dominak mahai batetik hartu eta janzten. Irudi horiek zabaldu dira sare sozialetan, eta haserrea eragin dute zaleen artean. Aurrez ere polemika zegoen RFEF Espainiako Futbol Federazioak emakumezkoen futbolari ematen dion tratuaren inguruan —Espainiako selekzioko hautatzailearen eta jokalarien artean izandako tirabirak tarteko—, eta, atzo gertatutakoa ikusita, matxismoa egotzi diote federazioari berriz ere.

Joan den astean gizonezkoen Bartzelonak eta Real Madrilek Riaden jokatu zuten finaleko sari banaketarekin alderatu dute askok Meridakoa (Espainia). Saudi Arabian, besteak beste, Luis Rubiales federazioko presidentea izan zen jokalariei dominak jartzeko arduradunetako bat.

Federazioaren arabera, protokolo kontu bat izan zen atzokoa. Azaldu duenez, Meridako Romano Jose Fouto estadioko azpiegiturek zaildu egiten dute erakundeetako ordezkariak zelaira jaistea, eta horregatik jaso behar izan zituzten dominak jokalariek beraiek. Errege Kopako finaletan ere gertatu izan da hori, federazioaren arabera. Kopak bai, palkoan jaso zituzten bi taldeetako kapitainek, Bartzelonako Marta Torrejonek eta Realeko Nerea Eizagirrek. Rubialesek berak eman zizkien.

AFEk, Espainiako futbolarien elkarteak, gogor kritikatu du federazioaren jarrera, ohar bidez: «Gutxietsi egin dituzte jokalariak, eta ez diete merezi duten moduan aitortu daukaten meritua. Egun batzuk lehenago, berriz, Saudi Arabian, gure elkarteko kide diren gizonezkoei bestelako tratua eman zieten». Elkartearen iritziz, Meridakoa «errepikatu ezin den irudi lotsagarri bat» izan zen.

AFEk, gainera, esan du sari banaketa ez zela izan baztertzailea izan zen kontu bakarra; besteak beste, salatu du emakumezkoen finalean ez zegoela VAR sistemarik. Gizonezkoenean, bazegoen. Espainiako Gobernuari eskatu dio gertatutakoa kontuan hartzeko.

Nerea Eizagirre atzo, Meridan (Espainia), Superkopako txapeldunordearen garaikurra jasotzen. Reala

Palkoan, Rubialesekin batera, Jorge Vilda Espainiako hautatzailea zegoen. Jakina da haren eta atzoko finala jokatu zuten hainbat jokalariren arteko giroa ez dela oso ona: joan den irailean Espainiako selekzioarekin jokatzeari uko egin zioten hamabost jokalarietatik zazpi zeuden atzo zelaian. Oraingoz, ez dirudi giroak hobera egingo duenik.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iñaki Williams baloiarekin, denboraldi honetan San Mamesen Atletico Madrilen aurka jokatutako partidan. ©ARITZ LOIOLA / FOKU

Hutsune handia utzi du Williamsek

Haritz Gallastegi

Iñaki Williamsek marka ezarri du ligan: 251 partida jokatu ditu. Zelaian ari denean kritikatu egiten dute; ez dagoenean, aldiz, sumatu egiten da haren falta.

Eibarrek eta Alavesek lehen itzulian Ipuruan jokatutako derbiaren jokaldi bat. ©JAIZKI FONTANEDA / FOKU

Biak gora begira daude

Iñigo Lasa Fresneda

Alavesek eta Eibarrek sasoi onean jokatuko dute derbia larunbatean, Mendizorrotzan; bi taldeak goiko postuetan daude. Txema Añibarrok argi du: «Intentsitate eta parekotasun handiko partida izango da».

 ©JAGOBA MANTEROLA / FOKU

«Gozatzen dudalako jokatu izan dut beti, ez markak ezartzeko»

Beñat Mujika Telleria

Maria Españak urte asko daramatza Espainiako ligarik onenetan aritzen, eta kirol heldutasun betean dago. Bikain ari da denboraldi honetan. Kantxan erakusten duen lidergo bera erakusten du handik kanpo ere.
 ©JAIZKI FONTANEDA / FOKU

«Giro onak lagundu digu prestatzen eta gozatzen»

Jon Ander De la Hoz

Azurmendik eta Alberdik irabazi dute Sherpa Airen binakako txapela. Biei «ilusioa» egin die elkarrekin gailentzeak. Finalean egindako lan ona azpimarratu dute.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.