Begoña Suarez du izena. Erizaina da Bartzelonako Vall d'Hebron erietxean, eta haserre oldea eragin du Tiktok sare sozialerako grabatu duen bideo bat dela eta.
Suarez erietxeko bulego batean ageri da bideoan, bi lankiderekin; horietako bat euskal herritarra da, antza, «Donostiakoa», erizainak berak azaltzen duenez. Suarezek Cadizkoa (Espainia) dela esaten du, eta Bartzelonan lanean ari dela. Sindikatu batek esku orri bat eman die erietxean postua lortzeko informazioarekin, eta horretan agertzen diren eskakizunetako batek piztu du emakumearen haserrea: «Esan digute oposizio zikin hori ateratzeko katalaneko C1 zikin hori eduki behar dugula», esaten du, ezin sinetsirik eta suminduta. «C1a atera? Egon hadi horretan!»
Bideoan donostiar gisa aurkezturiko emakumeak, berriz, ikastarorako izena eman duela adierazten du segidan, eta Suarezek harriturik begiratzen dio; «mesedez, horrela bideoa desmuntatuko didazu!», esaten dio. Euskal herritarrak, orduan, katalanez jarraitzen du. Orduan, Suarezek: «Utziko al diozu katalanez hitz egiteari, mesedez? Eskerrik asko».
Exemple gràfic de selecció natural: la basca es queda i la pija catalanòfoba d'Atapuerca acabarà marxant.pic.twitter.com/A1jmuaxqHQ
— Bernat ðŸ´ó §ó ¢ó ÂÂÂ¥ó ®ó §ó ¿î¨Â€ (@BasanyBernat) March 2, 2023
Bideoa bolo-bolo zabaldu da, eta erreakzio oldea eragin du. Carles Puigdemont Generalitateko presidente ohi erbesteratuak ere plazaratu du iruzkin bat Twitterren. «Kataluniako hizkuntzarekiko gorrotoa etengabea da espainiar askoren artean. Batzuek (epaileak, poliziak, funtzionarioak) katalanofobiaren militanteak dira. Iraindu egiten gaituzte, laidotu, eta guk soldata ordaintzen diegu. Hizkuntza hilketa bat abiatua da». Kataluniako Osasun Departamenduari eskatu dio berehala esku hartzeko.
L’odi a la llengua catalana és una constant entre molts espanyols. Alguns (jutges, policies, funcionaris) militen en la catalanofònia i es protegeixen entre ells. Ens ofenen, ens insulten i els paguem el sou.
— krls.eth / Carles Puigdemont (@KRLS) March 2, 2023
Hi ha un lingüicidi en marxa.
Espero que @salutcat actuï immediatament. https://t.co/QQuv9JD2dL
Manel Balcells Osasun kontseilariak adierazi du espediente bat irekiko diotela erizainari: «Onartezina da langile publiko batek horrelako adierazpenak egitea». Argi utzi du ziurtatu behar dela Kataluniako osasun sisteman arreta katalanez jaso ahal izatea. Izan ere, hizkuntza ikasteko doako formakuntza eskaintzen dute, betiere kontutan izanda helburua dela «herritarren ongizatea eta pazienteen eskubideak errespetatzea».
Erietxeko zuzendaritzak afera ikertuko duela adierazi du. Gaineratu dute onartezina dela egoitza eta uniformeak erietxearekin zerikusirik ez duten bideoetarako erabiltzea. «Bistan da ez dutela ordezkatzen ez erakundea ezta zentroa ere».
UGTren erantzuna
Kataluniako UGT, berriz, erizain euskaldunari mintzatu zaio: «Eskerrik asko, Clara, Katalunian katalanez hitz egitearen garrantzia baloratzeagatik, eta pazienteak errespetatzeagatik, eskubidea baitute erizainekin beren hizkuntzan komunikatzeko».