Frantziako Gobernuak erretreten erreformarekin dituen asmoak hauspotu ditu Senatuak goizeko ordu txikietan, erreformaren zazpigarren artikuluaren alde bozkatu ostean. Errepublikanoak, independenteak, Zentroko Batasuna eta Macron presidentearen alderdia ados jarri dira erretreten adina 64 urtera atzeratzeko. Sozialistak, komunistak eta ekologistak izan dituzte aurka. Hala, aldeko 201 boto izan ditu artikuluak, aurkako 115, eta 29 abstentzio.
Hala ere, aste amaierara arte dute senatariek erreforma bere osotasunean eztabaidatzeko eta bozkatzeko. Senatua ados jarri bada ere, Macronek oraindik ez du legea aurrera ateratzeko gehiengorik lortu Frantziako Asanblean. Izan ere, erretreten erreformaren aurkakoak kaleak betetzen ari dira, eta alderdiei presio handia egiten ari zaizkie. Iturri ofizialen arabera, astearteko mobilizazioetan 1,3 milioi pertsona inguruk hartu zuten parte, baina CGT sindikatuak 3,5 milioi pertsona zenbatu zituen.
10mn après le 8 mars, le Sénat adopte l’article 7 de la réforme des retraites repoussant à 64 ans l’âge légal de départ à la retraite et décide ainsi de faire peser sur les femmes les plus précaires le poids de rembourser les cadeaux fiscaux faits aux grandes entreprises. pic.twitter.com/2gHnkjTkTA
— Mélanie Vogel (@Melanie_Vogel_) March 8, 2023
Macronen gobernuko ministroak pozik daude bozketarekin. Olivier Dussopt Lan ministroak adierazi du Senatuak «erantzukizun» botoaren alde egin duela, eta gobernuari jarraitzea erabaki duela. Elisabeth Borne Lehen ministroak, erreformaren bultzatzaile nagusiak, esan du «pozez zoratzen» dagoela bozketarekin.