Auto istripu larria gaur goizaldean gertatu da La Fuliolan, Lleidan. Noranahiko ibilgailu batean zihoazen hiru pertsona, eta kamioi bat jo dute; hirurak hil dira kolpearen ondorioz. Ondoren zabaldu da hil direnetako bi euskal herritarrak zirela; zehazki, Legazpiko (Gipuzkoa) 42 eta 45 urteko bi gizon.
Bidegurutze batean gertatu da ezbeharra, eta zerk eragin duen aztertzen ari dira orain.
Automobileko gidariak 42 urte zituen, ondoan zuen bidaiariak 28, eta atzean eserita zihoanak, 45. Kataluniako errepideetako agintariek zabaldu duten informazioaren arabera, gidaria eta atzean eserita zihoazen bidaiaria, biak ziren euskal herritarrak. Bestea Lleidakoa zen.