Implika enpresak Bilboko zentroetako 156 langileetako 100 kaleratu nahi ditu EE erregulazio espediente batekin. Martxoaren 16an hasi ziren espedientea negoziatzen, eta egun berean jo zuten langileek greba mugagabera. Seigarren greba eguna dute gaur, eta mobilizazioa egin dute Bilboko kaleetan.
MasterD enpresaren bulegoetatik abiatu dute mobilizazioa, Implikaren merkataritza talde berekoa da eta. Hortik Implikak Elkano kalean dituen bulegotetaraino egin du bidea mobilizazioak.
ELA sindikatuaren arabera, espedientea aurkezteko arrazoiak ez dira nahikoa, eta horregatik jo dute grebara; «EEa kentzea» eskatzen dute. Grebak «jarraipen garrantzitsua» duela adierazi du sindikatuak, eta mobilizazen jarraituko dutela iragarri dute. Martxoaren 27an izango da EEaren negoziazioaren bigarren bilera. Enpresak guztira 183 langile kaleratu nahi ditu, horietako 100 Bilboko bulegoetatik.
