Gizonezko baten gorpua agertu da bart Ibaizabal ibaian, Bilbon; zehazki, Euskalduna jauregiaren parean atera dute suhiltzaileek uretatik. Eusko Jaurlaritzak jakinarazi duenez, larrialdi zerbitzuek gaueko 03:00ak aldera jaso dute abisua.
Ordubete geroago atera dute hilotza ibaitik, eta oraindik ez dute identifikatu. Ertzaintzak ikerketa zabaldu du gertatutakoa argitzeko.