Italiako Giroko lehen esprintean Jonathan Milan (Bahrain) izan da indartsuena. Andrea Pasqualon taldekidearen laguntza baliatuta, 22 urteko txirrindulariak ondo irabazi die bere aurkariei. Bigarren izan da David Dekker (Arkea), eta hirugarren Arne Marit (Intermarche). Atzo hasi zen lasterketa, eta bigarren etapa izan da gaurkoa.
🗣ï¸ÂÂÂ"Hey Siri, define power"
— Giro d'Italia (@giroditalia) May 7, 2023
🔻 Watch now the last km of Giro d'Italia stage 2!
.
🗣ï¸ÂÂÂ"Hey Siri, dammi un esempio di potenza"
🔻 Guarda adesso l'ultimo km della tappa 2 del Giro d'Italia!#Giro#GirodItalia@Expo2030Roma@MilanJonathan_@BHRVictoriouspic.twitter.com/Vs65RinQYq
Milanek Giroan parte hartzen duen lehen aldia da, eta, beraz, egin duen lehen esprintean garaipena lortu du. Aurrez, garaipen bakarra zuen aurten Bahraineko txirrindulariak, Saudi Arabiako Tourrean lortutakoa. Gehiago nabarmendu izan da pistan, zeren, besteak beste, urrezko domina bat eskuratu baitzuen Tokioko Olinpiar Jokoetan, taldeka.
Gaur, Teramotik San Salvora 204 kilometro egin dituzte txirrindulariek, eta Italiako txirrindularitzan ezagunak diren tokietan aritu dira, batez ere Tirreno Adriatikoagatik. Tropeleko azkarrenek oso aukera gutxi izango dituzte aurtengo ibilbidean etapak irabazteko, eta lehenengoa baliatu du Milanek.
Sailkapen nagusian, Remco Evenepoelek (Quick-Step) jarraitzen du lider, atzoko erlojupekoan eman zuen erakustaldiari esker. 43 segundo ateratzen dizkio Primoz Roglici (Jumbo-Visma), bere aurkari nagusiari.
