Kanaldude Telebistak casting bat zabaldu du, telebista saio baterako muslariak hautatzeko. «Telebista emankizun moldean antolatua den mus txapelketa batean parte hartzeko» jokalarien bila ari da, eta parte hartzeko baldintzen berri eman du. Ezinbestekoa da euskalduna izatea eta 18 urtetik gora izatea, Euskal Herrian edo diasporan bizitzea, eta musean ondo aritzea eta jolaskide bat izatea.
Izena emateko posta elektroniko bat bidali behar da. Izen-abizenez gain, herria eta lurraldea adierazi behar dira. Deialdian azaldu dutenez, bikoteak aukeratzeko orduan genero parekidetasuna aintzat hartuko dute. Gainera, izena eman nahi dutenek bideo bat bidali behar dute, euren burua aurkezteko.
Bi sari egongo dira: 3.000 eurokoa bat eta 1.500 eurokoa bestea. Dirua parte hartzen dutenek aukeratutako elkarte batentzat izango da. Horregatik, bideoan adierazi beharko dute parte hartu nahi dutenek zer elkarte aukeratu duten dirua emateko eta zergatik aukeratu duten elkarte hori.
TXAPELKETA SARIAK