Albistea entzun

Uholdeak

Egingo da Herri Urrats, gune bakar batera mugatuta

Uholdeen ondorioz Ipar Euskal Herriko ikastolen jaia bertan behera geratzeko arriskuan egon bada ere, jaia murrizteko zenbait moldaketa eginda aurrera egitea erabaki dute antolatzaileek

Senpereko lakua, gaur goizean.
Senpereko lakua, gaur goizean. PATXI BELTZAIZ Tamaina handiagoan ikusi

Olatz Enzunza Mallona -

2023ko maiatzak 13

Goizeko lehen orduetan gelditu gabe egin du euria Ipar Euskal Herrian. Zaparrada mardulak uholdeak eragin ditu Senpereko lakuan (Lapurdi), Herri Urrats jaiaren bezpera den honetan. Hala ere, egoerari aurre egin, eta jaiarekin aurrera egitea erabaki dute antolatzaileek. 15:30ean joan dira prefeturako zerbitzuak lakura, eta egoera aztertuta, eta herriko etxearekin hitz egin ostean, gune bakar bat salbatzeko aukera ikusi dutela azaldu du Koldo Rodriguez antolatzaileak. «Beste guneak segurtasunagatik murriztera behartuak izan gara».

Era berean, egitaraua bera ere moldatu behar izan dute. Eguerdian hasiko dira ekitaldiak, hamabietan, Araba gunean, eta, besteak beste, Neomak, Xutik, Su ta Gar eta Zetak arituko dira oholtza gainean. Hala ere, aurreratu dute Gipuzkoa eta Baxe Nafarroa guneak ere zabalik egongo direla: «Ekitaldirik egon ez arren, nahi beste jateko eta edateko aukera egongo da gune horietan».

Elkartasunerako deia

40. aldia beteko du bihar Herri Urratsek, baina espero zutenaren kontrara, nahi baino «sinbolikoagoa» izango da, Rodriguezen hitzetan, ekitaldi asko ezingo baitituzte egin, eta gune asko ezingo baitituzte erabili: «Emozionalki ondo sentitzeko egingo dugu Herri Urrats; izan ere, kaltea oso handia da, eta biharkoak ez ditu galerak estaliko, inondik inora ere. Senperera etortzeko deia egiten dizuegu». Aholku bat ere eman nahi izan die bertaratuko diren horiei guztiei: «Pazientzia izan, elkarrekin momentu goxo bat bizitzeko aukera izango dugu». Herri Urratsen antolatzaileek komunikatu bat zabaldu dute, adieraziz galerak «izugarriak» izan direla: «Elkartasunerako deia egingo dugu bihar».

Ekarpenak egiteko kontu korronte zenbakiak jarri dituzte eskuragarri euren webgunean. Bihar Bizum bidez ekarpenak egiteko aukera ere zabalduko dute.

Bestalde, Seaskak jakinarazi du urtero Herri Urratsen egin ohi duen ekitaldiaren ordez prentsaurreko bat emango duela Senpereko Herriko Etxean, 10:00etan.

Erabiltzaileek Senpereko lakua nola den erakutsi dute goizean sare sozialetan:

Pirinio Atlantikoko Departamentuak alerta laranja ezarri du Urdazuri ibaiaren arroan, euriteengatik. Baliteke egunaren partean uholdeak egotea zaparrada horretarako «joera» duten guneetan. Estolda sareek ere gainezka egiteko arriskua dagoela ohartarazi du departamentuak. Trafikoa eta garraioa ere «zaildu» dezake eguraldiak, batez ere bigarren mailako errepideetan, eta tren sare nagusian izan ezik, beste zerbitzuetan eragina izan dezake euriak.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

Ione Belarra Espainiako Gobernuko Eskubide Sozialen eta 2030 Agendaren ministroa, Espainiako Senatuan. ©FERNANDO ALVARADO / EFE

Animalien Ongizaterako Legea indarrean sartu da Hegoaldean

Mikel Elkoroberezibar Beloki

Animalia domestikoak abandonatzen dituztenak zigortu ahalko dituzte legearen bidez, eta debekatuta egongo da animaliak ikuskizun publikoetarako erabiltzea, baina salbuespen asko izango dira.

Iruñeko osasun zentro bat, artxiboko irudi batean. ©IÑIGO URIZ / FOKU

Nafarroan itxaron zerrendak %29 handitu dira bost urtean, Kontu Ganberaren arabera

Ion Orzaiz - Mikel Elkoroberezibar Beloki

«Osasunbidea ez da betetzen ari pazienteak artatzeko epeak», ebatzi du Kontu Ganberak. Arreta unitateetako langileen «lan zamaz» ohartarazi du

Entzierro bat, Espainian. ©DAVID FERNANDEZ / EFE

Gizon gipuzkoar bat hil da Espainian, zezen batek adarkatuta

Berria

Olmedo herrian gertatu da ezbeharra (Valladolid, Espainia), entzierro batean.

LAB sindikatuko emakumeen batzarra, atzo, Oiartzunen (Gipuzkoa). ©GORKA RUBIO/ FOKU

LABek eskatu du zaintza lanak eremu pribatutik ateratzea eta «duintzea»

Edurne Begiristain

Sindikatuko 200dik gora emakume Oiartzunen bildu dira, greba feminista antolatzeko. «Zaintza komunitarioa» aldarrikatu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...