Palestina

Israelgo kolono batek palestinar bat hil du

Militarren arabera, «terrorista bat» Zisjordaniako kolonia batean sartu da, labana bat eskuan zuela, eta tiro egin diote.

Israelgo armadako bi soldadu, Hawaran (Zisjordania), palestinar bat atxilotzeko operazio batean, martxoan ALAA BADARNEH / EFE Tamaina handiagoan ikusi

Berria -

2023ko maiatzak 26 16:43

Israelgo kolono batek palestinar bat hil du gaur goizean, Zisjordanian. Militarrek esan dute «terrorista bat» Tene Omarim kolonia juduan sartu dela —Hebron hegoaldean—, labana bat eskuan zuela, eta, orduan, tiro egin dio zibil batek, zeina koloniako segurtasun taldeko kide den.

Hilketa sinagoga baten inguruan gertatu da —otoitz egiten ari ziren orduan—, eta, horren ondoren, armadak etxera itzultzeko deia egin die herritarrei. Gerora, Israelgo hedabideek argitaratu dute hildakoa 28 urteko gizon bat dela.

Zisjordanian ere, 178 lagunek hango komunitate batetik atera behar izan dute egunotan, kolono juduen «indarkeriarengatik», besteak beste. Nazioa Batuen Erakundearen Lurralde Palestinar Okupatuetarako koordinatzaile humanitario Yvonne Hellek gaur salatu du Israelen presioak eta eraikinen eraisteak kolpe «handia» direla palestinarrentzat.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut