Kontsumo gaien prezioen garestitzea moteldu egin da maiatzean Espainian, herrialdeko KPIaren datu aurreratuak erakusten duenez. Bederatzi hamarren jaitsita, 2021ko uztailaz geroztiko maila apalenean kokatu da urte arteko inflazioa, %3,2an. Indizea beherantz bultzatu dutenak, batez ere, argindarraren eta erregaien salneurriak izan dira, iaz biak asko garestitu baitziren.
INEren arabera, elikagaiek ere izan dute eragina inflazioaren apaltzean, haien prezioak ez duelako iazko maiatzean bezainbeste egin gora.
Maiatzean beherantz egin arren, oso goian dago oraindik azpiko inflazioa, erregaiak eta elikagai freskoak kontuan hartzen ez dituena. Bost hamarren jaitsi da, %6,1eko tasaraino, eta horrek erakusten du inflazioa ez dela berehalakoan jaitsiko.
