Albistea entzun

Batasunaren kontrako operazioa

Goirizelaia: "Salbuespen egoera juridikoa da hau"

Espainiako Estatuan "botere judizialaren eta politikoaren artean akordioa" dagoela salatu du abokatuak Batasunaren kontrako operazioa baloratzean. Barrenak berretsi egin du PSOEren "mendekua" izan dela.

Berria -

2007ko urriak 8
Jone Goirizelaia abokatuaren ustez, Baltasar Garzon Espainiako Auzitegi Nazionaleko epaileak aginduta egin duten Batasunaren kontrako operazioak "hau salbuespen egoera juridikoa dela erakusten du". Batasunaren 17 kide kartzelara bidali zituen atzo Garzonek -"erakunde armatuko kide" izatea leporatuta-, lau aske utzi zituen bermepean eta beste bi baldintzarik gabe. "Eskandalua" iruditzen zaio hori guztia Goirizelaiari. Pernando Barrena Batasunaren buruzagiak eta biek eman dute gaur prentsaurrekoa, Donostian. Espainiako Estatuan "botere judizialaren eta politikoaren artean akordioa" dagoela salatu du Goirizelaiak, eta ezker abertzalearen "ideiak kriminalizatu" nahian dabiltzala; "independentzia eta sozialismoa alegia, baina helburuak behin ere ez dira indarkeriazkoak. Izatekotan, bitartekoak dira indarkeriazkoak". Garzonek, ordea, preso sartu dituen kideei buruz autoan halako frogarik ez duela aurkeztu esan du abokatuak. "Ekainean haien bilerak zilegi zirela dio, bakea bilatu nahi zutela argudiatuta, eta orain ez direla zilegi. Hemen helburua aldatu duena Garzon bera da, eta badirudi epaile hau legediaren gainetik dagoela". Barrenak gaur berriro aipatu du PSOEren "mendekua" izan dela lehengo asteko operazioa. "Alderdi sozialistak erridikulurik handiena egin zuen prozesu negoziatuan nazioarteko behatzaileen aurrean, eta erridikulua eginda mahaitik altxatu zen une hartan bertan erabakita zeukan hori ezker abertzaleari ordainarazi egingo ziola". Unea "zaila" izan arren, "burua hotz" mantendu behar dela adierazi du Barrenak, eta ezker abertzaleak, "ekimen politikoa hartuz", "ahaleginak biderkatu" egingo ditu bakea eta marko "demokratikoa" lortzeko. 1997an HBren Mahai Nazionala espetxeratu zutenean ere gauza bera egin zutela azpimarratu du. =b"Independentismoaren operazio integrala"=b Komunikabide batzuk Espainiako Justiziak hurrena EHAKren eta EAE-ANVren kontra jo dezakeela iragartzen ari dira egunotan. Nekane Erauskin EHAKren legebiltzarkidearen iritziz, "euskal independentismoaren aurkako operazio integrala" egiten ari dira, "helburu politiko argiarekin, eta horri historikoki 'faxismoa' deitu izan zaio. Zapaterori esan behar zaio ez duela lortuko".

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

EH Baik elkarretaratzea egin zuen atzo goizean, Euskal Hirigune Elkargoaren egoitza aitzinean. ©GUILLAUME FAUVEAU

Bizilekuen Tokiko Programa onetsi du Euskal Elkargoak

Ekhi Erremundegi Beloki

Bideokonferentziaz egin dute Euskal Hirigune Elkargoko batzarra, osasun egoeraren ondorioz. 630 milioi euroko aurrekontua onartu dute hautetsiek, inbertsiorako 160 milioi euro atxikita

Aitor Esteban EAJko diputatua, Espainiako Kongresuan. ©CHEMA MOYA / EFE

Martxorako agindutako eskumenak ez ditu uda aurretik jasoko Jaurlaritzak

Jon O. Urain

Martxorako agindutako eskumenak ez ditu uda aurretik jasoko Jaurlaritzak. EAJk izurriari eta Madrilgo bozei egotzi die atzerapena

Ander Iriarte eta Paco Etxeberria, dokumentalaren grabazioan, joan den larunbatean. ©JON URBE / FOKU

Grabaketak amaituta, azken lanetan da 'Krask soinua'

Jon O. Urain

Grabaketak amaituta, azken lanetan da 'Krask soinua', 1960-2014 aldiko torturak jasotzen dituen txostenean oinarritutako dokumentala. Tratu txarren adiera «sofistikatua» hartu dute ikergai, horien «bilakaera horrelakoa izan delako».

Puerto I eta II espetxeak, joan den urrian. ©NAGORE ARIN

Herrera de la Manchan ez da jada euskal presorik, eta laster Puerto Ien ere ez da izanen

Maddi Ane Txoperena Iribarren

Hiru euskal preso hurbilduko dituztela iragarri dute Espainiako Espetxe Erakundeek: Fernando Elejalde Tapia Puerto Ietik Mansillara mugituko dute, Iñigo Vallejo Franco Dueñasetik Duesora eta Garikoitz Etxeberria Goikoetxea Sevilla IItik Dueñasera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.