Albistea entzun

Kirol eskalada

Elur Arteaga hirugarren Espainiako Kopako lehen proban

Tolosarra 18 urtez azpikoetan igo da podiumera. Maila nagusian, Ainhize Belar bosgarren izan da, eta Haizea Oses seigarren. Maria Benach kataluniarra eta Javier Cano extremadurarra nagusitu dira Kopako lehen proban.

Elur Arteaga Getafeko probako une batean.
Elur Arteaga Getafeko probako une batean. Javi Pec / Fedme Tamaina handiagoan ikusi

Ramon Olasagasti -

2023ko irailak 13 10:34

Kirol eskaladako Espainiako Kopako lehen proba jokatu zen joan den larunbatean eta igandean Getafen (Madril), zailtasuneko modalitatean, eta hainbat euskal eskalatzaile lehiatu ziren bertan. Proba Indoorwall rokodromoan jokatu zen, Espainiako Federazioak (FEDME), B3Sportainment enpresak eta Indoorwall rokodromoak berak antolatuta. Guztira, 218 partaide izan ziren Getafen, 172 gazteen mailan (14, 16 eta 18 urtez azpikoetan) eta 46 maila absolutuan (17 neska eta 29 mutil).

Euskal ordezkariak ere ugari izan ziren Getafen, eta haietako hainbat finaletan sartu ziren, baina emaitzak, oro har, apalak izan ziren. Nabarmentzekoa Elur Arteagak 18 urtez azpikoetan lortutako hirugarren postua. Tolosarra nabarmen ari da gora egiten, eta lehiaketan ere erakusten ari da maila hori. 18 urtez azpikoen maila berean, laugarren izan zen Garazi Uriarte.

Maila nagusian, Ainhize Belar bosgarren izan zen, eta Haizea Oses seigarren. Belarrek sailkapeneko fase bikaina osatu zuen larunbatean, hirugarren onena izan zen atarikoan, baina finalean 2 puntura geratu zen. Maila nagusi horretan, Maria Benach kataluniarrak irabazi zuen proba. Mutilen maila absolutuan, Iñaki Arantzamendi zortzigarren izan zen, Javier Cano extremadurarrak irabazitako proban.

Gazteen artean, 14 urtez azpikoetan, Eñaut Uson seigarren izan zen. 16 urtez azpikoetan, Maddi Agirre laugarren, eta Ines Allende eta Udane Mujika seigarren eta zazpigarren, hurrenez hurren. Eta 18 urtez azpikoetan, mutiletan, Manex Iñurrategi bosgarren izan zen.

Getafeko emaitza guztiak, Espainiako Federazioaren esteka honetan.

Asko balio du irakurri duzun albiste/artikulu honek. Talde baten lanaren emaitza da.

Albiste hau zuri helarazteko eta talde honek bere lana baldintza egokietan egin dezan, BERRIAk ezinbestekoa du zure sostengua.

Zure babes ekonomikoarekin, aldi hau kontatzeko funtzioa betetzen jarraitu nahi dugu: kazetaritza konprometitu, kalitatezko eta independentea egiten.

Albiste gehiago

Clementine Geoffray eta Alain Santamaria, garaipena eta errekorra Gorbeia Suzien proban

Geoffray eta Santamaria, garaipena eta errekorra Gorbeia Suzien proban

Ramon Olasagasti

Emakumezkoetan, frantziarrak jaitsieran hartu die aurre lehiakideei. Gizonezkoetan, Ezcarayko (Errioxa, Espainia) korrikalariak ondo eutsi dio gurutzera iristeko azken maldetan lortutako aldeari. Onditz Iturbe eta Markel Urigoitia izan dira lehen euskaldunak.

Noemi Vachon frantziarra, iazko irabazlea, probako une batean. ©Jaizki Fontaneda / Foku

Oilarren arteko lehia izango da bihar Gorbeia Suzien proban

Ramon Olasagasti

Skyrunning World Series zirkuituko hamaikagarren proba izango da Zeanurikoa, azken aurrekoa. Iris Pessey frantziarra eta Antonio Martinez espainiarra sailkapen nagusiko lehen postuari eusten saiatuko dira, baina estua izango da dema. Bihar bada beste topaketa bat ere: Skyrhune proba, Azkainen (Lapurdi), Euskal Herriko Kopako azkena.

 ©JAIZKI FONTANEDA / FOKU

«Zorte handia izan dut hainbat lasterketatan»

Unai Ugartemendia

Ultratrailen historian hizki larriz idatzita dago Javi Dominguez mendiko korrikalari gasteiztarraren izena. Munduko lasterketarik esanguratsuenetan aritu da, ondo aritu ere: uztailean, hirugarren izan zen Hardrock ospetsuan, AEBetan.
BERRIAlagunen taldea Olibesarioko saroian, Euskal Herriko erdigune geografikoan. ©Uxue Barrenetxea

Euskara Euskal Herriaren erdigunean

Ramon Olasagasti

Hogei BERRIAlagunek txangoa egin dute gure lurraldearen epizentro geografikora, Andiamendira. Mikel Arrizabalaga gidari zutela, Unanutik (Nafarroa) abiatu eta Beriain tontorra jo dute, behe-laino artean, eta ondoren Lezizoagako bidetik egin dute itzulera.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...