Albistea entzun

Mundua

PO alderdi liberalak irabazi ditu Poloniako Legebiltzarrerako hauteskundeak

Donald Tusk-en alderdiak bozen %41,4 lortu du. Lech Kaczynski presidentearen eta anaia biki Jaroslaw Kaczynskiren PiS Zuzenbidea eta Justizia alderdi ultrakontserbadoreak agintea galduko du, %32,1 lortuta. Botoen %99 zenbatuak dituzte.

Berria -

2007ko urriak 22
Poloniako Legebiltzarrerako bozak egin zituzten atzo eta, espero zen bezala, PO Plataforma Zibikoa eskuin liberaleko koalizioa nagusitu da. Gaur ari dira lehen datu ofizialak ematen, eta bozen %99 zenbatuta, %41,4 lortu du; Legebiltzarreko 460 eserlekuetatik 209. Donald Tusk da POren burua. Atzora arte Lech Kaczynski presidentearen eta anaia biki Jaroslaw Kaczynskiren PiS Zuzenbidea eta Justizia alderdi ultrakontserbadorea zegoen agintean, eta hauteskundeetan botoen %32,1 bildu ditu; 166 diputatu. POk eta PiSek aliantza egin zuten 2005eko bozen ostean, baina geroztik desadostasun handiak izan dituzte. PO aliantza PiS baino europazaleagoa agertzen da. Hala, Tusken inguruan bildutakoek Polonia euroaren eremuan sar dadin gurako dute. Kaczynski anaien PiS koalizioak, aldiz, Europako Batasunak azken urteetan hartutako hainbat norabideren aurkako jarrerak hartu ditu, eta jokaera hori aski nabarmen agertu da berriro Lisboan (Portugal) egin berri duten Europako Batasunaren estatu eta gobernuburuen goi bileran. LiD Ezkerra eta Demokrazia indar ezkertiarrak %13,2 lortu du; 52 eserleku. Alekzander Kwasniewski Poloniako presidente ohia da bertako buruzagia. Tusk LiDekin bat egitearen alde azaldu izan da kanpainan Gobernua osatzeko. PSL Baserritarren Alderdi moderatuak %8,9 erdietsi du; 31 eserleku.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ebrahim Raisi Irango presidentea (eskuinean), herenegun, Teherango Unibertsitatean, Ikasle Egunaren ospakizunerako ekitaldi batean. ©EFE

Iranek herritar bat exekutatu du, hilabeteotako protestekin lotuta

Gorka Berasategi Otamendi

Estatuko indarren agente bat labanaz zauritzea egotzi diote kondenatuari. Protesten harira auzipetutakoen arteko lehen exekuzio jakinarazia da. Irango justiziak gehiago iragarri ditu

Lucian Bode Errumaniako Barne ministroa eta Margaritis Schinas Europako Batzordeko presidenteordea, gaur, Bruselan. ©OLVIER HOSLET / EFE

Kroazia Schengen eremuko kide izango da 2023an

Mikel Elkoroberezibar Beloki

Austriaren eta Herbehereen ezezko botoaren ondorioz, Bulgaria eta Errumania ez dira espazio bateratuaren barruan egongo.

Bittney Griner AEBetako saskibaloi jokalaria (ezkerrean) eta Viktor Bout arma trafikoagatik AEBetan zigortutako Errusiako teniente ohia (eskuinean). ©STR, EFE

Errusiak aske utzi du Brittney Griner, AEBek Viktor Bout libre uztearen truke

Berria

Griner saskibaloi jokalaria eta Bout arma salmentagatik AEBetan espetxeratuta zegoena Abu Dhabiko aireportu batean trukatu dituzte Moskuk eta Washingtonek.

Benjamin Netanyahu Israelgo lehen ministro ohia, herrialdeko parlamentuan, joan den azaroaren 15ean. ©ABIR SULTAN, EFE

Netanyahuk gobernua eratzeko akordioa itxi du ultrekin eta muturreko ortodoxoekin

Gorka Berasategi Otamendi

Shas eta Sionismo Erlijiosoa alderdien esku geldituko dira, besteak beste, Barne eta Ogasun ministerioak. Smotrich ultranazionalistak Zisjordaniaren gaineko botere handia pilatuko du.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.