Hamabi amodio kanta diskoa argitaratu berri du Antton Valverdek, hamar urtean batere atera gabe egon ondoren. Lan berria ateratzea "tokatu" egiten zela uste du Valverdek, gaur Oarsoaldeko Hitza-n egin dioten elkarrizketan dioenez. "Aspaldian zegoen gordeta ideia, eta beste mila gauzetatik libre gelditu naizenean hartu dut. Kanta hauen paperak aspalditik ditut, badira 30-35 urte".
Charles Bordesek bildutako kantak dira guztiak. "XIX. mende bukaeran etorri zen hura Euskal Herrira. Lan garrantzitsuak egin zituen: kantak eta poesiak bildu eta hitzaldi garrantzitsu bat eman zuen, hark piztu zien beste zenbaitzuri honako gogoa eta grina. Askoren lanen abiapuntua izan zen".
Musika
