Albistea entzun

Politika

EAk Bruselan salatuko du "Espainiaren kalitate demokratiko eza"

Unai Ziarreta presidentea eta Mikel Urkijo europarlamentaria astelehenean joango dira, eta Europako Parlamentuko legebiltzarkide batzuekin batzartuko dira.
Unai Ziarreta EAko presidentea.
Unai Ziarreta EAko presidentea. Argazki Press

Berria -

2008ko azaroak 1
EA hurrengo astean Bruselara joango da, eta Europako parlamentari batzuen aurrean "Espainiaren kalitate demokratiko eza" salatuko du, gaur Unai Ziarreta alderdiko presidenteak iragarri duenez. Honen arabera, "Espainiako Gobernuak Euskal Herria isildu egin nahi du, bere etorkizuna modu librean erabakitzea eragotzita". Ziarretaz gain, Mikel Urkijo EAko eurolegebiltzarkidea ere joango da hara, astelehenean. Europako Parlamentua bisitatuko dute eta haibat elkarrizketa izango dituzte legebiltzarkideekin. "Gutxiengo nazionalen" babesaren alde lan egiten duen taldearekin batzartuko dira lehendabizi. EAk dioenez, talde horrek Euskal Herriko egoera politiko eta ekonomikoa jorratua du. Friendship taldearekin ere elkartuko dira -SPD (Alemania) eta Sinn Fein (Irlanda) dira kideetakoak-, baita ALE Europako Aliantzeko Libreko kideekin ere. ALEko kide da EA, eta ERC (Herrialde Katalanak) edota Scottish National Party (Eskozia) ere partaide dira. "Estaturik gabeko nazioak aitortzeko Europan zer pauso eman diren aztertuko dugu", esan du Ziarretak. Eusko Legebiltzarrak 2008ko ekainaren 27an onartu zuen Araban, Bizkaian eta Gipuzkoan kontsulta egiteko Galdeketaren Legea (gehiengoa osoa lortzeko, EAJ, EA, EB eta Aralarren botoak ez ezik, EHAK-ko batena ere jaso zuen legeak), eta gero Espainiako Auzitegi Konstituzionalak debekatu egin zuen. Lehengo urriaren 25ean egitea nahi zuten galdeketa. Juan Jose Ibarretxe Eusko Jaurlaritzako lehendakariak irailean iragarri zuen Europa Batasuneko Giza Eskubideen Auzitegian Espainiako Estatuaren kontrako salaketa sartzeko asmoa zutela, Konstituzionalaren erabakiak "pentsatzeko, adierazteko eta elkartzeko eskubideak urratzeagatik", baina oraindik ez dute halako pausorik eman.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©GORKA RUBIO / FOKU
Julien Charles izanen da Pirinio Atlantikoetako prefet berria

Julien Charles izanen da Pirinio Atlantikoetako prefet berria

Berria

Eric Spitz ordezkatuko du karguan, Polinesia Frantseseko kolonian izendatu baitute, Frantziako Errepublikaren goi komisario. Charles Saona eta Loirako prefet izan da orain arte.

Unai Hualde erdian eta eurekin Foro Sozialeko ordezkariak: Expe Iriarte, Fernando Armendariz, Agus Hernan, Jose Luis Uriz ©Nafarroako Parlamentua

Estatuaren biktimentzat 2022a «urte garrantzitsua» izaten ari da, Foro Sozialaren arabera

Joxerra Senar

Unai Hualde Nafarroako Parlamentuko lehendakariarekin bildu dira, eta nabarmendu dute «aurrerapausoak» ematen ari direla biktimak aitortuak izateko bide luzean

Ezkerretik eskuinera, Rodriguez eta Ruiz ©Ahal Dugu.

Garbiñe Ruiz eta David Rodriguez, Ahal Dugu-ko Gasteizko eta Arabako zerrendaburu izateko primarioetan

Iñaut Matauko Rada

Elkarrekin Podemos-IUko Gasteizko Udaleko eta Arabako Batzar Nagusietako gaur egungo bozeramaileak 'Bat Egin Podemos' proiektuaren barruan aurkeztu dira Ahal Dugu alderdiko primarioetara.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...