Albistea entzun

Politika

Zapaterok ere dio ulertzen duela Lazkaoko 'herriko taberna'-ren aurkako erasoa

Espainiako Gobernuko presidenteak ekintzarekin "inola ere" bat egiten ez duela ere esan du. "Herritarren %99k Zuzenbide Estatuan, Polizian eta Justizian konfiatzen du indarkeria terroristari aurre egiteko".

Berria -

2009ko otsailak 26
Atzo PSE-EEko, PSOEko edota PPko hainbat buruzagik esan zuten bezala, Jose Luis Rodriguez Zapatero Espainiako Gobernuko presidenteak gaur aitortu du "ulertzen" duela Lazkaoko (Gipuzkoa) herritar batek asteartean hango 'herriko taberna'-ren aurka egindako erasoa. "Sufritu duena sufritu duelako ulertzekoa da hark egindakoa", adierazi du Zapeterok Ser Espainiako irrati katean. Erasoarekin "inola ere" bat egiten ez duela ere esan du. "Eta espero dut arduradun politiko eta herritarren artetik inork ez babestea ekintza hori". Halako "oso gutxi" gertatu izan direla dio Zapaterok, eta kasua "isolatua" dela. "Herritarren %99k Zuzenbide Estatuan, Polizian eta Justizian konfiatzen du indarkeria terroristari aurre egiteko". Erasoaren egilea PSE-EEko kidea da, eta zinegotzi ohi baten semea. Erasoa egin eta gutxira atxilotu zuen Ertzaintzak, eta gutxira libre utzi zuen. Handik ordu batzuetara, haren izena zeramaten kartelak jarri zituzten herritar batzuek herrian barrena, eta atzo iluntzean eginiko kontzentrazioan eraso hura arbuiatu zuten 100 bat herritarrek. Erasotzaileak herria utzi du behin-behinean. ETAk astelehenean zortzi kilo lehergaiz osatutako bonba leherrarazi zuen Lazkaoko PSE-EEren egoitzaren aurka eta, aipatutako herritar hura egoitzaren goian bizi denez, bere etxebizitzak kalte material handiak izan zituen.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bozkaleku bat 2019ko maiatzaren 26ko hauteskundeetan, Donostian. ©GORKA RUBIO / FOKU

BOTO PAPERAK, HITZAURREAN

Jon O. Urain

Udaletako, foru aldundietako eta Nafarroako Parlamentuko agintaldiak azken hilabeteetan sartuak dira, urtebete falta baita hauteskundeetarako. Oro har, alderdiak udazkenean sartuko dira bozen dinamikan, baina horien bilakaerak eta portaerak arrasto batzuk ematen dituzte bozketan jokoan egongo denaz.
<b>Maria Txibite idazkari nagusi izendatu zuten urrian, PSNren kongresuan.</b> ©I├ÑIGO URIZ/ FOKU

Beste behin PSNren eskuetan

Joxerra Senar

Nafarroako Gobernu barruko tirabirak, PSNren eta UPNren arteko gerturatzea zenbaterainokoa den, nola egituratuko den eskuina, gainerako alderdien urratsak... Legealdi amaierako giltzarriak aletu dituzte Ricardo Feliu NUPeko soziologoak eta Juan Kruz Lakasta Euskalerria Irratiko koordinatzaileak.

Gorka Urtaran, Gasteizko alkate izendatu berritan, Miren Etxebarriarekin (PSE-EE) batera. ©ENDIKA PORTILLO / FOKU

Abertzaleen indarrak neurtzeko plaza

Edurne Begiristain

Arabak aspaldi utzi zion PPren gotorleku izateari. Alderdi abertzaleen eragina sendotuz doa lurralde horretan, eta EAJren eta EH Bilduren artean lehia «estuagoa» espero da 2023. urterako.

Etxeraten batzarreko irudi bat. ©Aritz Loiola / Foku

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...