Albistea entzun

Atxiloketak

Ertzaintza etxebizitza bat miatzen ari da Hernaniko Plaza Berrin

'Gara'-k dioenez, gazte bat atxilotu dute herrian, etxeko atarian zela. Bestalde, Manex Castrok salatu du Ertzaintzak torturatu egin duela. Kartzelan sartu du Eloy Velasco Espainiako Auzitegi Nazionaleko epaileak, Hernaniko eta Lazkaoko atentatuetan parte hartu zuelakoan. Lehengo igandean atzeman zuen Ertzaintzak, Villabonan. Atzo, berriz, Mikel Garmendia.

Berria -

2009ko martxoak 5
Eloy Velasco Espainiako Auzitegi Nazionaleko epaileak kartzelara bidali du gaur Manex Castro Zabala, Hernaniko (Gipuzkoa) 24 urteko gaztea, ETA kidea delakoan. Villabonan (Gipuzkoa) atxilotu zuten igandean, eta bost egun egin ditu Ertzaintzaren esku atxilotuta, inkomunikatuta, eta gaur salatu du ertzainek torturatu egin dutela, Amnistiaren Aldeko Mugimenduak (AAM) dioenez. Gaur iluntzeko 20:00etan Euskadi Irratiak jakinarazi du Ertzaintza etxebizitza bat miatzen ari dela Hernaniko Plaza Berrin. Ez dago argi miaketak haren atxiloketarekin zerikusia duen edo ez. Horrez gain, =iGara=i egunkariak jakinarazi du gazte bat atxilotu dutela herri berean, etxeko ezkaratzean zela. "Atxiloketan eta hasierako unean kolpeak eta bultzadak eman zizkioten, mehatxuak etengabeak izan dira -haren amari eta lagunei buruz mehatxu egin diote, bere ingurukoak atxilotuak zeudela esan diote, Guardia Zibilaren eskuetan utziko zutela-, postura berhatuetan eduki dute -ertzainak gainean esertzen zitzaizkion-, ez diote lo egiten utzi behartutako deklarazioa egin duen arte...", dio AAMk. Konfiantzako abokatuari esan dio hori dena Castrok, gaur. AAMren arabera, Castrok hasiera batean uko egin zion deklaratzeari, "baina egoera jasangaitza egin zitzaion eta beharturik deklarazioa poliziala egin du. Ertzaintzak behartu du horretara". Velasco epailearen ustez, Castrok urtarrilaren 16an Hernanin (Gipuzkoa) ETAk egindako atentatuan parte hartu zuen, baita otsailaren 23an Lazkaon (Gipuzkoa) egindakoan ere. Hernanin Santa Barbara auzoan telebista hedagailuaren aurka bonba lehertu zuen erakunde armatuak eta Lazkaon PSE-EEko egoitzaren aurka. Atxilotuak ukatu egin du eraso haietan parte hartu zuela. Joan den igandean atzeman zuen Ertzaintzak Castro Villabonan (Gipuzkoa), eta gaur arte inkomunikatuta eduki du. 24 urte dauzka. Ertzainek zioten lehergaiak topatu zizkiotela etxebizitza baten miaketan. Gaur ordubiak aldera eraman dute Velascoren aurrera eta hamar minutu izan da han, deklaratu gabe. Ertzaintzak atzo Castroren lagun bat atxilotu zuen Villabonan: Mikel Garmendia. Baliteke asteburuan eramatea epailearen aurrera. Herenegun, berriz, beste bi gazte atzeman nahian aritu zen Ertzaintza Hernanin, Amnistiaren Aldeko Mugimenduak (AAM) zioenez: Be˝at Aginagalde eta Ugaitz Errazkin. Haien etxebizitzak eta etxabe bat miatu zituzten.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Etxeraten batzarreko irudi bat. ©Aritz Loiola / Foku
Bozkaleku bat 2019ko maiatzaren 26ko hauteskundeetan, Donostian. ©GORKA RUBIO / FOKU

BOTO PAPERAK, HITZAURREAN

Jon O. Urain

Udaletako, foru aldundietako eta Nafarroako Parlamentuko agintaldiak azken hilabeteetan sartuak dira, urtebete falta baita hauteskundeetarako. Oro har, alderdiak udazkenean sartuko dira bozen dinamikan, baina horien bilakaerak eta portaerak arrasto batzuk ematen dituzte bozketan jokoan egongo denaz.
<b>Maria Txibite idazkari nagusi izendatu zuten urrian, PSNren kongresuan.</b> ©I├ÑIGO URIZ/ FOKU

Beste behin PSNren eskuetan

Joxerra Senar

Nafarroako Gobernu barruko tirabirak, PSNren eta UPNren arteko gerturatzea zenbaterainokoa den, nola egituratuko den eskuina, gainerako alderdien urratsak... Legealdi amaierako giltzarriak aletu dituzte Ricardo Feliu NUPeko soziologoak eta Juan Kruz Lakasta Euskalerria Irratiko koordinatzaileak.

Gorka Urtaran, Gasteizko alkate izendatu berritan, Miren Etxebarriarekin (PSE-EE) batera. ©ENDIKA PORTILLO / FOKU

Abertzaleen indarrak neurtzeko plaza

Edurne Begiristain

Arabak aspaldi utzi zion PPren gotorleku izateari. Alderdi abertzaleen eragina sendotuz doa lurralde horretan, eta EAJren eta EH Bilduren artean lehia «estuagoa» espero da 2023. urterako.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...