Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

mundua

Gordon Bajnai izendatu dute Hungariako lehen ministro

Ferenc Gyurcsany orain arteko lehen ministroaren aurkako zentsura mozioa onartu dute Legebiltzarrean eta ondorioz, kargutik at geratu da.

Berria -

2009ko apirilak 14
Ferenc Gyurcsany Hungariako lehen ministroaren aurkako zentsura mozioa onartu dute Legebiltzarrean eta ondorioz, kargugabetu egin dute. Bere ordez, Gordon Bajnai orain arteko Ekonomia ministroa izendatu dute. Bajnaik alderdi sozialistaren eta liberalen babesarekin izendatu dute lehen ministro. Alderdi kontserbadoreak ez zuen bozketan parte hartu. Zentsura mozioa sozialistek aurkeztu zuten, Gyurcsanyk martxoaren 21ean finantza krisiarengatik eta herrialdea igarotzen ari den egoera latzagatik kargua uzteko asmoak iragarri ondoren. Bajnairen izendapenarekin bozak aurretiaz deitzeko asmoa eten nahi du Alderdi Sozialistak, izan ere, inkesten arabera, horietan sozialistek porrota jasango dute. Alderdi kontserbadoreak ez du Bajnairen izendapena onartu eta legez kontrakoa dela adierazi du. Hungariako gehiengoaren nahiarekin bat ez datorrela nabarmendu du. Bere ustez, herritarren gehiengoak aurretiazko hauteskundeak deitzea nahi du. Parlamentuan lehen ministroa izendatzen ari ziren unean, 5.000 lagun inguru kanpoan bildu dira kontserbadoreen nahiarekin bat egiteko. Lehen ministro berriak finantza krisiari aurre egiteari eta lanpostuak babesteko neurriei lehentasuna emango diela jakinarazi du.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Haur batzuk UNHCR-ren errefuxiatuentzako kanpaleku batean, Ipar Kivu probintzian (Kongoko Errepublika Demokratikoa), 2019an. ©PATRICIA MARTINEZ / EFE

Ugandak ADFren miliziei eraso die Kongoko Errepublika Demokratikoan

Igor Susaeta

Bi herrialde horietako gobernuek aliantza militar bat osatu dute Indar Demokratiko Aliatuaren «mehatxuari» aurre egiteko. Kongoren arabera, «ekintza adostuak» egingo dituzte. Herritarrak «izututa» daude
Ezkerretik hasita: Michel Barnier, Eric Ciotti, Xavier Bertrand eta Valerie Pecresse. Eskuinetik bigarrena da Philippe Juvin. ©ERREPUBLIKANOAK

LRk bizirik irautea du jokoan

Ander Perez Zala

Frantziako alderdi eskuindarrak kongresua egingo du gaurtik larunbatera, eta horretan aukeratuko du 2022rako presidentegaia. Bertrand, Pecresse eta Barnier dira faboritoak

Errepublika bihurtu da Barbados, Elizabeth II.aren koroa utzita

Edu Lartzanguren Gorka Berasategi Otamendi

Sandra Mason izendatu dute lehen presidente. Herrialdea Commonwealth erakundeko kide izango da aurrerantzean ere. Galesko printzeak «esklabotzaren izugarrikeria» aitortu du

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.