Albistea entzun

MunDUA

Irango Zaindarien Kontseilua prest dago botoak berriro kontatzeko, baina ez denak

Bederatzi lagun hil dira hauteskundeetako "iruzurraren" aurkako manifestazioetan. Mousavi hautagai progresistaren jarraitzailearen eta Ahmadinejad kontserbadore eta egungo presidentearen aldeko milizien arteko borrokak izan dira. Oposizioak iragarri du gaur berriro aterako dela kalera. Manifestazio horretara ez joateko ohartarazi dio atzerriko prentsari Irango Gobernuak eta kaleetako egoera kontatzeko baimen guztiak ukatu dizkio.

Berria -

2009ko ekainak 16
Irango Zaindarien Kontseiluak jakinarazi du prest dagoela ostiraleko hauteskundeetako botoak berriro kontatzeko, baina argitu du ez dituela guztiak kontatuko. "Irregulartasunak salatu diren tokietan kontatuko ditugu", esan du Abbas Ali Kadkhodai Zaindarien Kontseiluko bozeramaileak Irango berri agentzia ofizialean. Oposizioak salatu du "iruzurra" egon dela bozetan, eta horiek berriro egiteko eskatu du. Larunbatetik protestak egiten dabiltza Teheranen, eta gutxienez bederatzi lagun hil dira =lmanifestazioetan==http://paperekoa.berria.info/harian/2009-06-16/019/008/Presidentetzarako_bozak_berriz_egiteko_eskatu_du_oposizioak.htm=l. Mir Hussein Mousavi hautagai progresistaren jarraitzaileak ari dira, batik bat, protestak egiten, eta Mahmud Ahmadinejad kontserbadore eta egungo presidentearen aldeko miliziekin borrokatu dira. Irango Polizia ere aritu da manifestarien aurka. Beste hainbat lagun zaurituta daude, Payam Irango irrati kateak gaur esan duenez. Ez du zehaztu hildakoak miliziak edo oposizioko kideak diren. Oposizioak iragarri du gaur berriro aterako dela kalera. Manifestazio horretara atzerriko prentsari ez joateko ohartarazi dio Iranek. Izan ere, nazioarteko prentsari Irango kaleetan gertatzen ari dena filmatzeko baimen guztiak baliogabetu dizkio Gobernuak. Kazetariek bizitzen ari den egoera filmatu nahi badute Irango Gobernuari baimena eskatu beharko diote. Hain zuzen, Musavik eta Mohsen Rezai kontserbadoreak helegiteak sartu dituzte. Emaitza ofizialen arabera, Ahmadinejadek alde handiz irabazi ditu ostiraleko hauteskundeak, %62,63 babesa lortuta. Ondorioz, ez du bigarren itzulirik beharko. Mousavik botoen %33,75 bildu ditu, Rezaik %1,73, Mehdi Karrubi erreformistak %0,85. 25 milioi lagunek eman zuten botoa.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©Javier Otazu / EFE

Guerguerateko egoeraren erantzule egin ditu Polisarioak Paris eta Madril

Arantxa Elizegi Egilegor

Marokoko Gobernua estu hartzeko eskatu die Polisarioak bi herrialde horiei. Rabati «nazioarteko legedia» urratzen uztea egotzi dio NBEri

Mohamed Bin Salman, Saudi Arabiako printze oinordekoa, artxiboko argazki batean. ©AITOR PEREIRA / EFE
AEBek Sirian duten esku hartze militarraren aurkako protesta bat, Damasko hiriburuan. ©YOUSSEF BADAWI / EFE

Bidenek agindutako lehen aire erasoak hainbat lagun hil ditu Sirian

Julen Aperribai

Pentagonoak esan du «Iranen babesa duten milizien» aurka egin duela. Siriako Giza Eskubideen Behatokiak zabaldu du 22 hildako izan direla, baina Siriako iturri militar batek gezurtatu egin du datu hori

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.