mundua

Greba orokorrerako deia egin dute Zelayaren jarraitzaileek

Hondurasko armadak estatu kolpea eman eta Zelaya presidentea herrialdetik kanporatu du. Atzo, herri galdeketa egitekoak ziren eta baiezkoa gailentzen bazen, Hondurasko Konstituzioa moldatu eta Zelaya presidentetzara berriro aurkezteko aukera izango zuen. Roberto Micheletti izendatu du Kongresuak presidente.

Berria -

2009ko ekainak 29
Honduras krisi larrian dago. Izan ere, atzo, herri galdeketa egitekoak ziren, baina Hondurasko armadak galdeketaren aurretik estatu kolpea eman zuen, Zelaya presidentea kargugabetu eta herrialdetik Costa Ricara kanporatu zuen, nahiz eta Nikaraguara joan berri den. Horren aurrean, Zelayaren jarraitzaileak Tegucigalpa hiriburuan protestak egiten ari dira eta greba orokorrerako deia egin dute. Kongresuak izendatu berri duen presidente Roberto Michelettik, berriz, etxeratze-agindua ezarri du datozen 48 orduetarako. Agindu hori luzatu dezakeela jakinarazi du. Nazioartetik ere iritsi dira estatu kolpearen aurkako erreakzioak. Nazio Batuen Erakundeak gaitzetsi egin du armadaren jarrera. "Demokratikoki hautatutako ordezkariak" karguetara itzultzea eta "giza eskubideak errespetatzeko" eskatu du Ban Ki-moon NBEko idazkari nagusiak. Zelayak "bahiketa izugarri" baten biktima izan dela adierazi du, "bere etxetik indarrez atera" zuelako armadak. Zelayak berretsi du Hondurasko presidentea izaten jarraitzen duela eta herrialdera itzuliko dela, karguan jarraitzeko. Nikaraguan harrera ona egin diote Zelayari. Besteak beste, Hugo Chavez Venezuelako presidenteak, Rafael Correa Ecuadorko presidenteak eta Daniel Ortega Nikaraguako presidenteak babestu dute. Datozen orduetan Zelayak Ameriketarako Alternatiba Bolivartarra erakundeko kideeen goi bileran (ALBA) parte hartuko du. =bHerri galdeketaren xedea=b Atzo egitekoak ziren herri galdeketa horretan, azaroaren 29an presidentea, diputatuak eta udaletxeetako osaera erabakitzeko egitekoak ziren. Erreferenduma horretan baietza gailenduz gero, beste boto-paper bat ere, laugarrena, bete beharko zuten hauteslekuetara joaten zirenek. 1982tik indarrean dagoen Konstituzioa erreformatzea litzateke batzar horren ardura. Konstituzioa moldatuz gero, Zelaya beste behin aurkeztu ahalko litzateke bozetara. Indarrean dagoen legediaren arabera, datorren urtarrilaren 27an utzi behar du agintea Zelayak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna