Albistea entzun
Emakumeen aurkako indarkeriari ez
Emakumeen aurkako indarkeriari ez

atxiloketak

Ibai Sueskun Baionako ospitaletik polizia etxera eraman dute

Ustezko etakidea larunbatean atzeman zuten, eskuan bala zauria zeukala. Joanes Larretxea eta Iurgi Mendinueta ustezko etakideek ere atxilotuta segitzen dute. Atzo atzeman zituen Frantziako Poliziak, Montpellierren, ustez zulo batera zihoazela. Guardia Zibilak dio abuztutik zaintzen ari zela ezkutalekua.

Berria -

2009ko urriak 12 18:47
Ibai Sueskun (23 urte; Larraga, Nafarroa) ustezko etakideak atxilotuta jarraitzen du eta gaur Baionako ospitaletik hango polizia etxera eraman dute, 14:00ak aldera. =lLarunbatean atzeman==http://paperekoa.berria.info/harian/2009-10-11/009/003/Etakide_moduan_aurkeztu_den_gizonezko_zauritu_bat_atxilotu_dute.htm=l zuten, Lescunen (Frantzia). Poliziaren ikerketa iturriak aipatuz berri agentziek hedatu zutenez, pistola garbitzen ari zela eskuan bala zauria egin eta laguntza bila joan zen baserri batera. Han atzeman zuten, eta gero Olorongo erietxera eraman zuten; ondoren, berriz, Baionakora. =bJoanes Larretxea ustezko etakidearen etxea miatu du Guardia Zibilak, Hernanin=b Frantziako Poliziak Iurgi Mendinueta eta Joanes Larretxea ustezko etakideek atzeman zituen atzo, Montpellierren, eta oraindik bere esku ditu, inkomunikatuta, Parisera epailearen aurrera noiz eramango. Polizia iturrien arabera, autoan Rivieresko zulora zihoazela atxilotu zituen, Guardia Zibilarekin elkarlanean, eta honek gaur Larretxearen etxea miatu du, Hernanin (Gipuzkoa). 00:30ean hasi dute miaketa eta 4:00ak arte iraun du. Mendinueta Donostiakoa da. Guardia Zibilak esan du abuztutik zaintzen ari zela zulo hori, Aitzol Etxaburu, Alberto Matxain eta Andoni Sarasola ustezko etakideak Saboyan (Frantzia) atxilotu eta armen hamalau ezkutaleku aurkitu zituztenetik. Etxaburu, Matxain eta Sarasola ETAko talde logistikoko kidetzat jo zituzten -kartzelara bidali zituen epaileak-, eta Mendinueta eta Larretxea talde militarreko lagunak direla dio Poliziak. Atxiloketaren unean arma bana, agiri faltsuak eta ordenagailua zituzten, ikerketako iturrien arabera, eta zuloan bonba-autoak egiteko materiala zegoen.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...