Albistea entzun
Emakumeen aurkako indarkeriari ez
Emakumeen aurkako indarkeriari ez

politika

"Gatazkari irtenbide demokratikoa" bilatu behar zaiola aldarrikatu dute manifestazio nazional erraldoian

ELA, LAB, ESK, EILAS, EHNE eta Hiru sindikatuek deitutako Donostiako martxan jende uholdea izan da: burua Bulebarrera iritsi denean, bukaera artean Perla parean zen. "Mota honetako ekimenak dira gizarteak eskatzen dituenak", esan dute Muñozek eta Etxaidek, eta berriro eskatu dute Alderdien Legea desagertzeko.
Milaka lagun bildu dira gaur Donostian pasa den astearteko polizia operazioa salatzeko 'Askatasunaren alde, eskubide guztiak guztiontzat' lelopean.

Berria -

2009ko urriak 17
Milaka eta milaka lagun bildu dira gaur Donostian pasa den astearteko polizia operazioa salatzeko, eta martxaren amaieran Ainhoa Etxaide LABeko idazkari nagusiak eta Adolfo Muńoz ELAko idazkari nagusiak "gatazkari irtenbide demokratikoa" bilatu behar zaiola aldarrikatu dute, =lELA==http://www.ela-sindikatua.org/=l, =lLAB==http://www.labsindikatua.org/sarrera=l, ESK, EILAS, EHNE eta Hiru sindikatu deitzaileen izenean. Jende uholdea izan da. Martxaren burua ibilbidearen amaierara -Bulebarrera- 18:10ean iritsi da eta bukaera Perla parean zen artean. =iAskatasunaren alde, eskubide guztiak guztiontzat=i leloa izan du ekimenak. Sindikatu deitzaileek manifestazioaren balorazio "positiboa" egin dute eta gizarteak "erantzun paregabea" eman duela nabarmendu. Parte-hartze jendetsuarekin, "gizarteak blokeo egoera honetan subjektu pasibo izateko prest ez" dagoela argi utzi du, ELAko eta LABeko idazkari nagusiaren ustez. "Mota honetako ekimenak dira gizarteak eskatzen dituenak". Horrez gain, inkomunikazio egoera eta komunikabide batzuen jarrera salatu dute Espainiako Alderdien Legea bertan behera uzteko ere eskatu dute, "injustua izateaz gain, aukera politiko eta sozial bat desagerrarazteko" asmoz egina delako. "Espainiako Estatuak berretsi egin du euskal gizarteari eskaintzen dion irtenbide bakarra gatazka luzatzea dela". Atxilotu eta espetxeratuei elkartasuna adierazteaz gain, horiek berehala askatzeko eskatu dute. Bulebarreko ekitaldiaren amaieran =iInternazionala=i eta =iEusko Gudariak=i abestu dituzte. Txaloak izan dira ekitaldi horretan, baita ibilbide osoan zehar ere. EAJk, ezker abertzaleak, Aralarrek, EAk, ABk, Hamaikabatek, Alternatibak eta beste eragile askok bat egin dute deialdiarekin. Ibilbidean atxilotuen aldeko oihuak, euskal preso eskubideen aldekoak eta independentziaren aldekoak entzun dira, baita "PSOE, GAL berdin da" ziotenak ere. Hiriburura iristeko auto ilara luzeak izan dira. Lekukoen arabera, Gipuzkoan, Donostiako noranzkoan, A-8 autobidean Arroako ordainlekua baino lehen, Ertzaintzak kontrola jarri du eta Zarauzko ordainlekuaren ondoren ere bai Guardia Zibilak. =bPatxi Lopezen kritikak=b Patxi Lopez Eusko Jaurlaritzako lehendakariak gaurko manifestazioarekin "sistema demokratikoa zalantzan jarriko" dela adierazi du. Alfredo Perez Rubalcaba Espainiako Gobernuko Barne ministroak, berriz, "ETAren estrategia kalera atera" dutela nabarmendu du eta, beraz, "EAJk ETAren estrategia defendatuko" duela hala. Joseba Egibar EAJren GBBko presidenteak Rubalcabari erantzun egin dio gaur manifestazioan parte hartzeak ez duela "ETArekin identifikatzen" direnik esan nahi, "ezta Arnaldo Otegiren pentsatzeko moduarekin, ezta gutxiago ere. Baina oinarrizko eskubideak hausten ari diren honetan, gu kalean gaude, eta politika egin nahi dutenei babesa ematen". Aralarrek "inoiz baino gehiago bide politikoen garaia" dela aldarrikatu du. EAk pozik azaldu da abertzaleak gaur bat egitean "gutxieneko akordio horretara" heldu direlako.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

EH Baiko zuzendaritza berria, Baionan ©EH Bai

Euskal Herri burujabea helburu, lurralde elkargo berezia aldarrikatuko du EH Baik

Ekhi Erremundegi Beloki

2022-2026 aldirako bide orri politikoa onartu eta ondoko urteetarako zuzendaritza berria hautatu dute ezkerreko mugimendu abertzaleko kideek. «Karrikan eta instituzioetan borrokatzeko» borondatea erakutsi dute, eta EH Bildureko duten hitzarmen estrategikoa «indartu eta berrituko» dutela erran dute.

KEM talde antimilitaristaren ekintza, Bilboko koartelean. ©BERRIA

Ā«Kuartela auzoarena izan arte!Ā»

Imanol Magro Eizmendi

Hiru igeltsero antimilitaristak Bilboko Juan de Garay kuartel militarra eraisteko lanekin jarraitu dute. 6.500 metro koadroko orubea Iralako auzotarren esku gelditu dadin egin dute lan. Ertzaintzak kalteak eragitea leporatu die.

Foro Sozialak antolatutako mahai inguruko partehartzaileak, herenegun, Donostian. ©ANDONI CANELLADA / FOKU

Ā«Aitortzarako bide batĀ» zabaldu du Poliziaren Biktimen Balorazio Batzordeak

Julen Aperribai

Poliziaren Biktimen Balorazio Batzordeko presidente Juana Balmasedak biktima horien aitortzan batzordeak egindakoa goretsi du. Lan hori trabatzeko mekanismoak martxan direla ohartarazi du.

EH Baiko kideak, uztailean, kongresuaren aurkezpenean. ©GUILLAUME FAUVEAU

Ezkerreko abertzale guziak biltzeko gai izan nahi du EH Baik

Ekhi Erremundegi Beloki

Bihar eginen du lehen kongresua ezkerreko abertzaleen mugimenduak, eta ondoko urteetarako bide orri politikoa bozkatuko dute. «Parte hartze handia» nabarmendu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.