Albistea entzun

alakrana auzia

Bahisariaren ordainketa ikertuko du Pedraz epaileak

'Alakrana'-ko zazpi marinel euskal herritarrei Gernikan eta bederatzi galiziarrei Vigon lekukoa hartuko die Auzitegi Nazionaleko epaileak, hurrengo astean. Duela bi egun 'Alakrana' itsasontzia aske geratu zen, 47 egunez bahituta izan ostean. Gaur 'Txori Gorri' ontziak piratengandik ihes egin du Indiako Ozeanoan, haiek ikustean.

Berria -

2009ko azaroak 19
=iAlakrana=i atunontziaren (Bizkaia) bahiketa duela bi egun amaitu zen eta iturri batzuen arabera, 2,5 eta 2,7 milioi euroko bahisaria ordaindu zuten. Hori argitzeko, atzo, =iAlakrana=i auziaren atzeko "sare juridiko-finantzarioa" ikertzeko eskatu zuen Espainiako Auzitegi Nazionaleko Fiskaltzak eta gaur Santiago Pedraz auzitegi horretako epaileak ikerketa abian jarriko duela jakinarazi du. Ikerketaren helburua, atunontziaren askatasuna lortzeko ustez ordainduriko bahisaria negoziatu duten abokatu bulegoak eta askapenean esku hartu duten "komisionistak" identifikatzea litzateke. Beraz, =iAlakrana=i-ko zazpi marinel euskal herritarrei Gernikan (Bizkaia) eta bederatzi galiziarrei Vigon (Galizia) lekukoa hartuko die Pedraz epaileak hurrengo astean. Bahisaria Espainiako Gobernuak ordaindu duela zabaldu da. Hori hala balitz, Espainiak zigorra jaso lezake herrialde horretan delitua delako bahisaria ordaintzea. Hala ere, Francisco Caamańo Espainiako Justizia ministroak gaur adierazi du, "Espainiak estatu gisa" ez duela =iAlakrana=i-ren erreskaterik ordaindu. Duela bi egun askatu zuten =iAlakrana=i itsasontzia, 47 egun Indiko Ozeanoan piraten esku bahituta egon ondoren. 36 lagun zeuden barnean, horietatik zazpi euskal herritarrak. Orain, helikopetero bat eta bi itsasontzik zainduta Seychellerako bidean dira eta bihar goizaldean iritsiko dira Victoria portura. Han hegazkin bat hartu eta litekeena da bihar bertan etxean izatea. Gaur, aldiz, Bermeoko beste atunontzi batek piratak ikusi ditu Indiako Ozeanoan eta beraz, inguru horretatik urrundu egin dira bahiketa ekiditeko. Hala ere, erasorik ez dela egon zehaztu du =iTxori Gorri=i ontziaren Inpesca enpresak. Itsasontzi horretan lau segurtasun zaintzaile doaz. =bEusko Jaurlaritzaren eta Espainiako Gobernuaren kudeaketa "negargarria", udalen arabera=b Atzo, euskal jatorriko zazpi arrantzaleen udal ordezkariek =lprentsaurrekoa==http://paperekoa.berria.info/harian/2009-11-19/002/011/Alkateek_negargarri_aritu_direla_egotzi_diete_bi_gobernuei.htm=l eman zuten Bermeon (Bizkaia) eta Eusko Jaurlaritzaren eta Espainiako Gobernuaren kudeaketa "negargarria" salatu zuten. Xabier Legarreta Bermeoko alkatea, Unai Rementeria Mundakako alkatea, Ricardo Ituarte Santurtziko alkatea, Felix Aranbarri Ondarroako Udala Kudeatzeko Batzordeko presidentea eta Sabin Anuzita Bilboko Osasun zinegotzia izan ziren prentsaurrekoa eman zutenak. Sestaoko Udalak (PSE-EE), ordea, ez zuen agerraldian parte hartu; Jose Luis Marcos Merino alkateak adierazi zuen ez duela auzia "kanpaina politikoa egiteko erabiltzeko asmorik", eta atunontzia askatzeko egindako lanagatik bi gobernuak "zoriondu" zituen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna