politika

Anzaren desagerpenaren xehetasun berriak biltzen dituen artikulua argitaratu du 'Le Monde'-k

'Desagerpen susmagarria' du izenburutzat artikuluak eta 'Kazeta.infok' frantsesezko bertsioa euskaratu egin du.

Berria -

2009ko abenduak 4
=iLe Monde=i kazetak Jon Anza euskal preso ohiaren (Donostia, 47 urte) desagerpenari buruzko artikulua argitaratu du gaur eta orain arte jakinarazi ez ziren xehetasunak biltzen ditu, abenduaren 18an "argitu gabeko desagerketa baten 9 hilabete beteko diren egunean", bilkura publikoa antolatu dutela Parisen, esaterako. =iDesagerpen susmagarria=i du izenburutzat Isabelle Mandraud kazetariak idatzitako testuak eta besteak beste, Anzaren neska-lagunaren eta familiaren lekukotasunak biltzen ditu. Anne Kayanakis Baionako fiskalaren hitzak ere badaude artikuluan; Frantziako Poliziak ez duela itxura egin eta Anza benetan bilatu duela ziurtatzen du Baionako fiskalak, nahiz eta bilaketa horren emaitza ezaren aurrean bere "harridura" agertu. Bestalde, Espainiako Polizia desagerketaren erantzule egiten du Mandraudek, "ETAk gerra zikinaren oroimenak berpiztu dituela, eta garai ilun hori aipatzea soilik oso delikatua dela gaur egun ere Euskal Herrian" nabarmentzen du kazetariak. Artikulu osoa euskarazko bertsioan =iKazeta.info=i-ren =lhelbidean==http://www.kazeta.info/plazalibrea/desagerketa-susmagarria=l irakurri daiteke. Frantsesezkoa, berriz, hemen. =iGara=i egunkariak urriaren 2an argitaratu zuenez, Jon Anza euskal preso ohia Frantzian egon daiteke lurperatuta, eta Espainiako polizien "legez kanpoko" galdeketaren ondorioz hil zen. Anza joan den apirilaren 18tik dago desagertuta. Ahetzeko (Lapurdi) bizilagunari egun hartan neska-lagunak Baionako tren geltokira lagundu zion, eta hantxe ikusi zuen azkeneko aldiz. ETAk gero jakinarazi zuen bere militantea dela Anza, apirilaren 18an hitzordua zeukala Okzitaniako Tolosan, baina ez zela azaldu. =iGara=i-k zioen kasua ezagutzen duten kideen informazioa daukala, eta Baiona-Tolosa bidean bahitu egin zutela poliziek. Anzak buruko gaixotasun larria dauka eta polizien galdeketan hil egin zen, eta orduan erabaki zuten espainiar poliziek Frantzian lurperatzea, betiere egunkariaren arabera. Ez du zehaztu tokia. 1982tik 2002ra artean preso egon zen Anza, ETAko kidea zela leporatuta. Azkeneko urtean buruan tumorea du, eta ikusteko arazo handiak dauzka.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Albiste gehiago

Maria Txibite lehendakaria eta Javier Remirez lehendakariordea, Nafarroako Parlamentura iristear ©Jagoba Manterola / Foku

Txibite: «Udazkena eta negua oso zailak izango dira»

Joxerra Senar

Politika orokorreko osoko bilkura dute Nafarroako Parlamentuan, eta COVID-19arn «erronka historikoak zipriztindutako» diskurtsoa egin du Txibitek, hilabeteotako gobernuaren kudeaketa laburbiltzerakoan

Bakartze moduluetako ziegetako leihoan sareak dituzte barroteez gain. Irudian, Puerto III espetxea, hesiz inguratua. / ©Maddi Ane Txoperena Iribarren

Foro Sozialak salatu du urrian hogei preso eduki dituztela bakartze moduluetan

Maddi Ane Txoperena Iribarren

Bigarren lan monografikoa kaleratu du motibazio politikoko euskal presoei aplikatutako espetxe politikaren behatokiak, bakartzeaz eta erregimen itxiaz. Espetxe legedian aurrera egiteko trabak dauzkate bakartuta dauden presoek, Foro Sozialaren arabera.

 ©MARISOL RAMIREZ / @FOKU

«Zozketa zibikoak baliagarriagoak dira erabakiak hartzeko»

Jon O. Urain

Politika publikoei buruzko deliberoak ausaz aukeratutako herritarren ekarpenekin osatzea beharrezko begitantzen zaio Mendiharati. «Uhin deliberatzaileaz» mintzo da, eta izan dira esperientziak Euskal Herrian.
Urriaren 12an egindako ekintzaren une bat. ©IDOIA ZABALETA / FOKU

Polizia etxera deitu dituzte hamasei lagun, erregearen ikur bat eraistea leporatuta

Berria

Urriaren 12an Sortuk Iruñean egindako ekintza ikertzen ari da Espainiako Polizia. Alderdi independentistaren ustez, «beldurra» eragin nahi dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Berria

Informazio osagarria