Albistea entzun

Zaborren kudeaketa

Atez ateko bilketaren alde direla adierazi du usurbildarren gehiengoak

Zaborrak jaso eta kudeatzeko sistema horren alde agertu dira botoa eman dutenen %55,23; hau da, duela urtebete Udalak abian jarritako bilketa eredua ona iruditzen zaiela berretsi dute. Bost edukiontziko sistema da boto gehien jaso duen bigarrena: %42,95.

Berria -

2010eko martxoak 1
Atzo eta herenegun herrian zaborren bilketarako eta kudeaketarako zein sistema iruditzen zaien egokiena adierazteko aukera izan dute Usurbilgo (Gipuzkoa) bizilagunek, eta Udalak duela urtebetetik bultzatutako ereduaren aldekoa izan da emaitza, botoen %56 jasota. Udalak berak antolatu du herri galdeketa. =bEmaitzak=b =bParte-hartzea. %70,23=b (3.452 boto). =bAtez ateko sistemaren alde. %56,23=b (1.927 boto). =bBost edukiontziko sistemaren alde. %42,95=b (1.472 boto). Egun herri gehienetan dauden lau edukiontzi dira eta bosgarrena organikoentzako. =bLau edukiontziko sistemaren alde. %0,76=b (26 boto). =bZuriak. 2 boto=b. =bBaliogabeak. 25 boto=b. Usurbilgo Udalak eta San Markos Mankomunitateak eman izan dituzten datuen arabera, atez ateko bilketaren bidez zabor kopuruaren murrizketa itzela lortu dute Usurbilen, eta %82ra iritsi dira birziklatzen. Areago, eredu hori Gipuzkoako herri gehienetara zabalduz gero erraustegiaren beharra ezabatuko litzatekeela iritzi diote. Ildo horretatik, Xabier Mikel Errekondo Usurbilgo alkateak erraustegiaren proiektua 6 urtez atzeratzea eskatu du, atez atekoa martxan jarri eta halakoren beharrik gabe zaborrak kudeatzea posible den ikusteko. Galdeketan jasotako emaitzekin pozik agertu da Errekondo. Haren iduriko heziketa zibikoa zer den erakutsi dute usurbildarrek eta sistema egingarria eta egokia dela frogatu dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...