Mundua

7,2ko lurrikara Mexikon

Gutxienez bi hildako utzi ditu, eta kalte materialak handiak dira Kalifornia Behea eskualdean.

Berria -

2010eko apirilak 5
Richter eskalan 7,2ko indarra hartu duen lurrikarak astindu zuen atzo arratsaldean (bart goizaldea Euskal Herrian) Mexiko iparraldeko Kalifornia Behea eskualdea. 10 kilometroko sakoneran izan du epizentroa, Guadalupe Victoria herritik 26 bat kilometrora. Mexicali hiria, Kalifornia Beheko hiriburua, izan da kaltetuena, azpiegitura asko suntsitu baititu, eta urik eta argindarrik gabe baitaude. Halaber, gutxienez bi hildako utzi ditu lurrikarak eta ehun bat zauritu. Larrialdi egoera ezarri du Mexikoko Gobernuak. AEBetan ere -Los Angelesen eta San Diegon, kasu- nabaritu dute lurrikara. Gainera, lurrikara nagusiaren ondoren hainbat erreplika gertatu dira, 5 gradu ingurukoak. Mexikoko agintariek lasaitasunerako deia egin dute, eta datozen orduetan erreplika gehiago izan daitezkeela ohartarazi.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Angeluko hondartza. ©Guillaume Fauveau

Maskara derrigortu dute Lapurdiko zenbait herritan

Ekaitz Etxamendi

Miarritzen, Donibane Lohizunen eta Baionan (Lapurdi) beharrezkoa izanen da maskara erabiltzea. 135 euroko isuna izanen du maskararik gabe doanak. Euskal Hirigune Elkargoak jakinarazi du Angeluko eta Miarritzeko hondartzetako gaueko garraioak geldituko dituztela, COVID-19aren hedapena murrizteko.

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna