hizkuntza

Espainiako Senatuan euskara ere erabiltzeko egitasmoa onartu dute

PP ez beste talde denak neurriaren alde agertu dira.

2010eko apirilak 28

Espainiako Senatuak ganberan, gazteleraz gain, euskara, katalana eta galiziera ere erabili ahal izateko egitasmoa onartu du gaur. PP ez beste talde denak alde azaldu dira. Juan Van Halen PPko senatariaren iritziz, neurria "ez da konstituzionala, ez da premiazkoa eta ez da beharrezkoa". Van Halenek esan duenez, Espainiako Estatuko hizkuntza ofiziala gaztelera da, erkidego batzuetan baino ez daude bi hizkuntza ofizial eta, gaurko erabakiarekin, "munduan erridikulua" egingo dute. "Izan ere, Espainiako presidenteak edo ministroek aurikularrekin egon beharko dute Senatuko saioetan". 134 senatarik egitasmoaren alde bozkatu dute, 122k aurka. Euskal Herrian euskara ez da esparru administratibo denetan ofiziala: EAEn ofiziala da, Nafarroan ez osoan eta Ipar Euskal Herrian ez da ofiziala.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Izan BERRIAlaguna

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Pribatutasun politika eta Lege informazioa irakurri ditut eta onartzen ditut