Albistea entzun

Mundua

Zezenketak debekatzea erabaki du Kataluniako Legebiltzarrak

'Animalien babeserako legeak' aldeko 68 boto jaso ditu, 55 kontra. 2012. urtetik aurrera ezin izango da zezenketarik egin Katalunian.

Berria -

2010eko uztailak 28
2012tik aurrera Katalunian zezenketak debekatzea erabaki du gaur herrialde hartako legebiltzarrak, aldeko 68 boto eta aurkako 55 botorekin. Goizeko hamarrak pasatxo zirela hasi da Parlamentean herri ekimenaren bidez iritsitako eztabaida. Ordurako ERCk (21 ordezkari) eta ICVk (12) iragarria zuten zezenketak galaraztearen alde bozkatuko zutela, eta PPk (14) eta talde mistoko ordezkariek (3) kontrako botoa emango zutela. CiUk (48) eta PSCk (37) boto askatasuna emana zieten beren legebiltzarkideei, eta, horrenbestez, 85 ordezkari horien jarrerak erabaki du auzia. Alderdietako iturriek adierazia zuten, oso litekeena zela debekua nagusitzea, boto askatasuna zuten CiU eta PSCko kide gehienek galarazpenaren alde eginda. Azkenean, CIUko ordezkari gehienek debekuaren aldeko botoa eman dute eta kontrakoa PSCko legebiltzarkide gehienek. Jose Montilla Generalitateko presidenteak ere kontrako botoa eman du eta hauxe adierazi: "Kontrako botoa eman dut, askatasunean sinesten dudalako". Esan bezala, herri ekimenaren bidez iritsi da eztabaida Kataluniako Legebiltzarrera, sustatzaileek 180.000 herritarren atxikimenduak jasota. Animaliei tratu txarrik ematea zilegi ote den izan da eztabaidaren ardatza, baina Kataluniako kasuan zezenketaren espainiartasunaren ingurukoa ere nahastu da. Boto kontaketaren ondoren, poz handia nagusitu da herri ekimenaren aldekoen artean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©CECILIA VALDEZ

«Hautagaiok ez dituzte aintzat hartzen indigenen eskakizun historikoak»

Cecilia Valdez

Ekuadorko presidentetzarako bozen lehen itzulian iruzurra izan zela salatu zuen Perezek, baina entzungor egin zion hauteskunde batzordeak. Gaur egingo duten bigarren itzulian baliogabe bozkatzeko eskatu du mugimendu indigenak.
Hilkutxa bat, Chauvin epaitzen ari diren auzitegiaren aurrean, Minneapolisen (Minnesota, AEB). ©ALEX SEGURA / EFE

Floydena «giza hilketa bat» izan zela berretsi du auzi medikuak

Iosu Alberdi

Epaiketan, aditu batek nabarmendu du egoerak «estres fisiologikoa» eragin ziola biktimari

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.