munDUA
Nestor Kirchner Argentinako presidente ohia hil da, bihotzekoa izanda
Cristina Fernandez egungo presidentearen senarra zen. Maiatzetik Unasur Hego Ameriketako Nazioen Batasuneko idazkari nagusia zen. 60 urte zeuzkan.
2010eko urriak 27
Nestor Kirchner Argentinako Gobernuko presidente ohia hil da gaur, bihotzekoa izan ostean, Telam herrialdeko berri agentziak jakinarazi duenez. 60 urte zituen Kirchnerrek. Calafate-ko erietxe batean zendu da. Irailean bihotzeko arazoak izan zituen eta ospitalean sartu behar izan zuten; orain arte bi ebakuntza egin zizkioten.
2003-2007an izan zen Argentinako lehendakaria. Joan den maiatzetik Unasur Hego Ameriketako Nazioen Batasuneko idazkari nagusia zen. Argentinako PJ =lAlderdi Justizialistako burua ere bazen martxotik==http://paperekoa.berria.info/mundua/2010-03-11/020/006/peronismoaren_arrastoan_argentinako_bi_ganberen_kontrola_galduta_kargua_dekretuak_onartzeko_baliatzea_leporatu_dio_oposizioak_cristina_fernandezi_nestor_kirchnerrek_alderdi_justizialistaren_presidentetza_hartuko_du_gaur_berriro.htm=l eta, zenbait analistaren arabera, Argentinan botere handiena zeukan pertsona.
Gaur egun haren emaztea da Argentinako presidentea: Cristina Fernandez. 1975ean ezkondu ziren. Atzo Calafatera oporretara joan ziren biak.
Astekaria
Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.
