udalbiltza auzia

"Absoluzioa da espero dugun epai bakarra"

Udalbiltzaren jardueran deliturik ez dela egon berretsi dute auzipetuek. Asteartean bukatu zen epaiketa, eta auzipetuen aurka 10 eta 23 urte arteko espetxe zigorrak eskatu dituzte fiskalak eta Dignidad y Justiciak.
Udalbiltzako auzipetu batzuk gaur, Donostian.
Udalbiltzako auzipetu batzuk gaur, Donostian. / Argazki Press

Berria -

2010eko urriak 29
"Auzipetuok espero dugun epai bakarra absoluzioa da". Horixe aldarrikatu dute gaur Udalbiltzako auzipetuek Donostian, haien aurkako epaiketa bukatu eta hiru egunera. 2003ko apirilean egin zuten Udalbiltzaren kontrako polizia operazioa, Espainiako Auzitegi Nazionalak aginduta, joan den uztailaren 15ean ekin zioten epaiketari, eta lehengo asteartean amaitu zen, auzipetuek azken hitza hartuta. "Absoluzioa eskatzen dugu, frogatua geratu delako ez dela Udalbiltzaren jardueran inolako deliturik egon. Jarduera politiko, publiko eta zilegiak jarri dituzte auzitan, mugaz gaindiko udalerrien arteko jarduera administratiboak. Herri baten, Euskal Herriaren, onurarako besterik ez direnak", esan du Juan Carlos Alduntzin auzipetuak prentsaurrekoan. Berriro ukatu dute ETAko kideak direla, eta Udalbiltza "udalen eta hautetsien borondateen baturaz" egin zela -1999an-. Haien ustez, Euskal Herriko udal erakudeak lan "baketsua" egin du, "inor baztertu gabe, sentsibilitate guztiak barnebildu nahian eta gure herriak pairatzen duen gatazka luzeari guztion eskubideen errespetuan oinarritutako konponbidea bilatzeko asmotan". Azkeneko hilabeteetan jasotako babes handia eta askotarikoa eskertu dute. =b21 auzipetu, zigor espetxe eskaerak=b 21 auzipetu daude =iUdalbiltza auzian=i. Fiskalak 20rentzat hamarna urteko kartzela zigorra eskatu du, ETAko kidetzat jota -=lXabier Alegriarentzat ez du zigorrik galdegin==http://paperekoa.berria.info/harian/2010-10-26/012/006/udalbiltzako_lauen_zigor_eskaera_txikitu_egin_du_fiskalak.htm=l-. Dignidad y Justicia herri akusazioak 21 auzipetuentzako 14 eta 23 urte arteko espetxea eskatu du. Defentsak, absoluzioa. =bUdalbiltzaren aurkako frogarik ez dute aurkeztu=b Udalbiltza ETArekin lotuko lukeen frogarik ez dute aurkeztu akusazioek epaiketan zehar. Polizia lekuko batek aitortu zuen eraikuntza nazionalaren aldeko lanak ez duela esan nahi ETA babesten denik, eta Udabiltzaren aurkako frogarik ez daukatela. Auzipetuek uztailean esan zuten Udalbiltzako erabakiak ez zituela ETAk hartzen; halaber, zioten udal erakundeak diru publikoak eta bere jarduera oro legea jarraituta egiten zituela. Defentsako lekukoek berretsi egin zuten auzipetuen azalpena.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Angeluko hondartza. ©Guillaume Fauveau

Maskara derrigorrezkoa izango da Ipar Euskal Herriko hainbat herritan ere

Olatz Esteban Ezkati

Berrehun positiboren langa gainditu da seigarren egunez jarraian Hego Euskal Herrian: 224 kasu izan dira azken orduetan. Gipuzkoako tabernariak kexu agertu dira Jaurlaritzaren murrizketak direla eta

Emakume bat oinez Donostian, erosketen poltsak eskuetan, joan den apirilean. ©GORKA RUBIO / FOKU

Zaurgarrienak, zaurgarriago

Maddi Ane Txoperena Iribarren

Pandemiak emakume eta gizonen arteko desberdintasunak sakondu dituela ondorioztatu du Emakunderen txosten batek. Egoera hobetzeko gomendioak eman dizkie erakundeei

Angeluko hondartza. ©Guillaume Fauveau

Maskara derrigortu dute Lapurdiko zenbait herritan

Ekaitz Etxamendi

Miarritzen, Donibane Lohizunen eta Baionan (Lapurdi) beharrezkoa izanen da maskara erabiltzea. 135 euroko isuna izanen du maskararik gabe doanak. Euskal Hirigune Elkargoak jakinarazi du Angeluko eta Miarritzeko hondartzetako gaueko garraioak geldituko dituztela, COVID-19aren hedapena murrizteko.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna